મોટા સમાચાર / દિવાળી પહેલા અદાણી CNGનો ભાવ રૂ.100ને પાર, જાણો નવો ભાવ

Adani CNG Price Hike : દિવાળીના તહેવાર પહેલા અમદાવાદના વાહનચાલકોને મોંઘવારીનો વધુ એક ઝટકો લાગ્યો છે. અદાણી CNGના ભાવમાં પ્રતિ કિલો રૂ.2.30નો વધારો કરવામાં આવ્યો છે. આ ભાવવધારા સાથે અમદાવાદમાં અદાણી CNGનો નવો ભાવ રૂ.100.77 પ્રતિ કિલો થઈ ગયો છે. એટલે કે, હવે CNGનો ભાવ રૂ.100ને પાર પહોંચ્યો છે.

અગાઉ રૂ.98.47 હતો CNGનો ભાવ

અદાણી CNGનો અગાઉનો ભાવ રૂ.98.47 પ્રતિ કિલો હતો. તેમાં રૂ.2.30નો વધારો થતાં નવો ભાવ રૂ.100.77 પ્રતિ કિલો થયો છે. દિવાળી જેવા તહેવારના સમયે થયેલા આ ભાવવધારાથી CNGથી ચાલતા વાહનોનો ઉપયોગ કરતા વાહનચાલકોના ખર્ચમાં વધારો થશે. ખાસ કરીને રોજિંદા મુસાફરી અને વ્યવસાય માટે CNG વાહનોનો ઉપયોગ કરતા લોકો પર તેની અસર પડી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ