બિઝનેસ / ₹9,450 કરોડના 4 ન્યૂ રેલવે પ્રોજેક્ટસને સરકારની મંજૂરી, એટલે આ 5 શેરો પરથી નજર ન હટાવતા!

Railway Stocks: કેન્દ્ર સરકારે રેલવેના ચાર મુખ્ય મલ્ટી-ટ્રેકિંગ પ્રોજેક્ટ્સને મંજૂરી આપી છે. આ પ્રોજેક્ટ્સ પાછળ અંદાજે 9,450 કરોડ રુપિયાનો ખર્ચ થશે અને તેનો અમલ પશ્ચિમ બંગાળ, ઓડિશા, તમિલનાડુ અને આંધ્ર પ્રદેશના આઠ જિલ્લાઓમાં કરવામાં આવશે. તેનાથી ભારતીય રેલવેના નેટવર્કમાં લગભગ 410 કિલોમીટરની નવી લાઈનો ઉમેરાશે. સરકારનો લક્ષ્ય વર્ષ 2030-31 સુધીમાં આ પ્રોજેક્ટ્સ પૂર્ણ કરવાનો છે.

રેલવે મંત્રી અશ્વિની વૈષ્ણવે જણાવ્યું હતું કે, ચારમાંથી ત્રણ પ્રોજેક્ટ હાવડા-ચેન્નાઈ મુખ્ય રેલ કોરિડોર પર આવેલા છે, જ્યારે ચોથો પ્રોજેક્ટ કટક-પારાદીપ સેક્શન સાથે જોડાયેલો છે. આ કામગીરીમાં હાવડા-ચેન્નાઈ રૂટ પર ચાર લાઈનોનું નિર્માણ અને કટક-પારાદીપ રૂટ પર ત્રીજી તથા ચોથી લાઈન નાખવાનો સમાવેશ થાય છે.

રેલમંત્રીએ જણાવ્યા અનુસાર, હાવડા-ચેન્નાઈ રૂટ દેશના સાત સૌથી મહત્વપૂર્ણ રેલ કોરિડોર પૈકીનો એક છે. અહીં રેલવે લાઈનોના વિસ્તરણથી વધુ ટ્રેનોનું સંચાલન શક્ય બનશે, માલ-સામાનની હેરફેર ઝડપી બનશે અને જાળવણીના કામ દરમિયાન ટ્રાફિકમાં થતો અવરોધ અસર કરી શકાશે.

ક્યા શેર પર રહેશે નજર?

આ પ્રોજેક્ટ્સ માટેના ટેન્ડરો હજુ બહાર પાડવાના બાકી છે, તેથી કઈ કંપનીઓને ઓર્ડર મળશે તે અંગે હજુ સુધી કોઈ નિશ્ચિતતા નથી. જોકે, રોકાણકારોએ રેલવે ઈન્ફ્રાસ્ટ્રક્ચર ક્ષેત્રે કાર્યરત કેટલીક મુખ્ય કંપનીઓ પર નજર રાખવી જોઈએ. તેમના ભૂતકાળના દેખાવને જોતાં, એવી પ્રબળ શક્યતા છે કે આ ઓર્ડર તેમને જ મળશે.

RVNL

સરકારી કંપની Rail Vikas Nigam Limited (RVNL) આવા પ્રોજેક્ટ્સમાં સૌથી મજબૂત દાવેદારોમાંની એક છે. તે રેલવે લાઈન નાખવા, ડબલિંગ, થર્ડ અને ફોર્થ લાઈન, ઇલેક્ટ્રિફિકેશન તથા મોટા ઇન્ફ્રા પ્રોજેક્ટ્સ પર કામ કરે છે. છેલ્લા કેટલાક વર્ષોમાં તેને રેલવેથી સતત મોટા ઓર્ડર મળ્યા છે.

IRCON International

IRCON Internationalએ સૌથી વધુ અનુભવી સરકારી રેલવે બાંધકામ કંપનીઓમાંની એક છે. રેલવે ટ્રેક બિછાવવા ઉપરાંત, આ કંપની પુલ, ટનલ, સિગ્નલિંગ સિસ્ટમ્સ અને રેલવે સ્ટેશનોને લગતા પ્રોજેક્ટ્સનું પણ નિર્માણ કરે છે. તેની કામગીરી ભારત અને વિદેશ એમ બંને જગ્યાએ વિસ્તરેલી છે. પૂર્વીય અને દક્ષિણ ભારતમાં હાથ ધરવામાં આવી રહેલા પ્રોજેક્ટ્સને કારણે આ સ્ટોક ચર્ચામાં રહેશે.

RITES

RITESનું કામ અલગ છે. તે પોતે ટ્રેક નથી નાખતી પરંતુ રેલવે પ્રોજેક્ટ્સની કન્સલ્ટન્સી, ડિઝાઇન, સર્વે અને પ્રોજેક્ટ મેનેજમેન્ટ સંભાળે છે. મોટા રેલ પ્રોજેક્ટમાં ઇજનેરી અને સુપરવિઝનનું કામ વધે તો RITESને ફાયદો થઈ શકે છે.

Texmaco Rail & Engineering

પ્રાઇવેટ સેક્ટરની Texmaco Rail & Engineering રેલવે ટ્રેક સંબંધિત ઇક્વિપમેન્ટ, વેગન અને ઇન્ફ્રાસ્ટ્રક્ચર પ્રોડક્ટ્સ બનાવે છે. જ્યારે નવી લાઈનો નાખાય અને નેટવર્કનું વિસ્તરણ થાય ત્યારે આવા સાધનોની માંગ પણ વધે છે. તેથી કંપની પર રોકાણકારોની નજર રહી શકે છે.

આ પણ વાંચોઃ NSEનો IPO સપ્ટેમ્બરમાં આવશે! 5.3 લાખ કરોડની છે Valuation, જાણો દેશના સૌથી મોટા IPOની પ્રાઈઝ બેન્ડ

Jupiter Wagons

Jupiter Wagons મુખ્યત્વે માલગાડીઓના વેગન બનાવે છે. હાવડા-ચેન્નાઈ અને પારાદીપ જેવા કોરિડોર માલ ઢોરવાની દ્રષ્ટિએ ખૂબ મહત્વના છે. જો આ રૂટ્સની ક્ષમતા વધે તો લાંબા ગાળે નવા વેગનની માંગ વધવાનો ફાયદો આ કંપનીને પણ મળી શકે છે.

કેમ મહત્વનું છે હાવડા-ચેન્નઇ કોરિડોર?

હાવડા-ચેન્નાઈ ભારતના સૌથી વ્યસ્ત રેલ માર્ગોમાં ગણાય છે. આ રૂટ પર રોજ મોટી સંખ્યામાં યાત્રી ટ્રેનો અને માલગાડીઓ ચાલે છે. ચાર લાઈન થવાથી ટ્રેનોની આવ-જા સરળ બનશે, માલ ઢોરવાની ગતિ વધશે અને ટ્રેકની મરામત દરમિયાન પરિચાલન પર અસર પણ ઓછી પડશે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ