વિવાદ / વડોદરાના યુનાઈટેડ વે ગરબામાં વિવાદ, 3 બિનહિન્દુ યુવકોને પોલીસને સોંપ્યા

વડોદરા શહેરના જાણીતા યુનાઈટેડ વે ગરબા મહોત્સવમાં વધુ એક વિવાદ સામે આવ્યો છે. ગરબા સ્થળના પાર્કિંગમાં કામ કરતા બિનહિન્દુ યુવકો ઝડપાતાં હોબાળો મચ્યો હતો. મળતી માહિતી મુજબ, બજરંગ દળના કાર્યકરોએ ત્રણ યુવકોને પકડીને પોલીસને સોંપ્યા હતા.

બિનહિન્દુ યુવકોને નોકરી પર રાખ્યા હોવાનો દાવો

પ્રાથમિક માહિતી અનુસાર, ગરબા મહોત્સવના પાર્કિંગની કામગીરી માટે કોન્ટ્રાક્ટરે 17થી વધુ બિનહિન્દુ યુવકોને નોકરી પર રાખ્યા હોવાનો દાવો કરવામાં આવ્યો છે. આ બાબત સામે આવતાં બજરંગ દળના કાર્યકરોએ વિરોધ નોંધાવ્યો હતો.

પાર્કિંગમાં કામ કરતા યુવકોને લઈને વિવાદ

યુનાઈટેડ વે ગરબા મહોત્સવમાં પાર્કિંગની વ્યવસ્થા સંભાળતા યુવકોની ઓળખને લઈને વિવાદ ઊભો થયો હતો. બજરંગ દળના કાર્યકરોએ ત્રણ યુવકોને પકડી પોલીસને સોંપતાં સ્થળ પર હોબાળો થયો હતો.

આ પણ વાંચોઃ વિધાનસભા ચૂંટણીની તૈયારી! ભાજપે આદિવાસી પટ્ટામાં મંત્રીઓને સોંપી જવાબદારી, સરકારી યોજનાઓ-સંગઠનની કામગીરીની કરશે સમીક્ષા

પોલીસ તપાસ બાદ વધુ વિગતો સામે આવશે

સમગ્ર મામલે પોલીસને સોંપવામાં આવેલા ત્રણ યુવકો અંગે તપાસ બાદ જ વધુ વિગતો સ્પષ્ટ થશે. પાર્કિંગ કોન્ટ્રાક્ટર દ્વારા 17થી વધુ યુવકોને નોકરી પર રાખવામાં આવ્યા હોવાના દાવા અંગે પણ સત્તાવાર પુષ્ટિ અને પોલીસનું નિવેદન મળ્યા બાદ જ સ્થિતિ સ્પષ્ટ થઈ શકશે. હાલમાં આ ઘટનાને પગલે યુનાઈટેડ વે ગરબા મહોત્સવમાં ફરી વિવાદ સર્જાયો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ