દિલ્હી / જંતર-મંતર હવે ન રહ્યું 'વિરોધનું સ્થળ', ગૃહ મંત્રાલયે કર્યું ડિનોટિફાઈ, આંદોલન માટે 3 નવા સ્થળ પસંદ કરાયા

દિલ્હી પોલીસે જંતર-મંતર અંગે એક મહત્વપૂર્ણ નિર્ણય લીધો છે. જંતર-મંતર પર હવે વિરોધ પ્રદર્શન કરવાની મંજૂરી આપવામાં આવશે નહીં. આ નિર્ણય ગૃહ મંત્રાલય દ્વારા લેવામાં આવ્યો હતો. સુરક્ષાના કારણોસર દિલ્હી પોલીસે આ નિર્ણય લીધો છે. દિલ્હી પોલીસે હવે વિરોધ પ્રદર્શન માટે ત્રણ નવા સ્થળો પસંદ કર્યા છે.

કયા 3 સ્થળો પસંદ કરાયા?

નવા વિરોધ સ્થળો રામલીલા મેદાન, બુરારી મેદાન અને પૂર્વ દિલ્હીમાં સીબીડી ગ્રાઉન્ડ છે. આ સ્થળો હવે દેખાવો અને વિરોધ પ્રદર્શનો માટે ખુલ્લા રહેશે. દિલ્હી પોલીસના જણાવ્યા અનુસાર, આ ત્રણેય સ્થળોએ દેખાવો અને વિરોધ પ્રદર્શનો કરવા માટે વિગતવાર SOP અલગથી જારી કરવામાં આવશે. આ 28 એપ્રિલ, 2022 ના રોજ જારી કરાયેલા આદેશમાં આંશિક સુધારો છે.

હવે જંતર-મંતર પર વિરોધ પ્રદર્શનની મંજૂરી નહીં

ગૃહ મંત્રાલયે નાગરિક અધિકારો માટે વિરોધ પ્રદર્શન કરનારાઓ માટે યોગ્ય સ્થળ પૂરું પાડવા માટે એક સમિતિની રચના કરી હતી. આ સમિતિની ભલામણના આધારે, જંતર-મંતરને હવે વિરોધ સ્થળ તરીકે રદ કરવામાં આવ્યું છે. આનો અર્થ એ થયો કે હવે જંતર-મંતર પર વિરોધ પ્રદર્શન કરવાની મંજૂરી આપવામાં આવશે નહીં.

તાજેતરમાં જંતર-મંતર પર અનેક ઐતિહાસિક વિરોધ પ્રદર્શનો

તાજેતરમાં જંતર-મંતર પર અનેક ઐતિહાસિક વિરોધ પ્રદર્શનો થયા છે. કોકરોચ જનતા પાર્ટીએ અહીં પોતાનો પહેલો વિરોધ પ્રદર્શન શરૂ કર્યો હતો, જ્યારે કાર્યકર્તા સોનમ વાંગચુકે તત્કાલીન શિક્ષણ મંત્રી ધર્મેન્દ્ર પ્રધાનના રાજીનામાની માંગણી સાથે ધરણા પ્રદર્શન કર્યું હતું.

વધુ વાંચો : વલસાડના પારડીમાં આચાર્યે વિદ્યાર્થીની સાથે દુષ્કર્મ આચર્યું, પરીક્ષામાં પાસ કરાવવાની આપી લાલચ આપી

આખો દેશ જંતર-મંતર બનશે: દીપક

CJPના સ્થાપક અભિજીત દિપકે સરકારના નિર્ણય પર પ્રતિક્રિયા આપી. તેમણે કહ્યું કે આખો દેશ હવે જંતર-મંતર બનશે. દીપકેએ કહ્યું કે તેઓએ જંતર-મંતરને વિરોધ પ્રદર્શન માટે નિયુક્ત સ્થળ તરીકે દૂર કરી દીધું છે. હા, તે હવે વિરોધ પ્રદર્શન માટેનું સ્થળ નથી, કારણ કે તે કાયર સરમુખત્યાર તેને પહેલાથી જ યુદ્ધના મેદાનમાં ફેરવી ચૂક્યા હતા. હવે આખો દેશ જંતર-મંતર બનશે!

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ