ગાંધીનગર / ધારાસભ્યો માટે 220 કરોડના ખર્ચે બન્યા ભવ્ય ફ્લેટ છતાં જૂના આવાસો પર અડિંગો જમાવ્યો, VTV રિયાલિટી ચેકમાં થયો ખુલાસો

વર્ષ 2025 માં ધારાસભ્યો માટે રાજ્ય સરકારે 220 કરોડના ખર્ચે નવા 3BHK ભવ્ય આવાસ બનાવ્યા છે. જે ધારાસભ્યો ને ફાળવણી પણ કરી દેવામાં આવી છે. વિધાનસભા સત્ર દરમિયાન અને ગાંધીનગર મુલાકાત માટે આવતા હોય ત્યારે ધારાસભ્યો સદસ્ય નિવાસસ્થાને જ રહેતા હોય છે પણ વાત છે.

જુના સદસ્ય નિવાસ સ્થાનની ત્યાં હજુ પણ અનેક ધારાસભ્યોએ અડિંગો જમાવી દીધો છે. જુના નિવાસસ્થાન ખાલી જ નથી કરવામાં આવ્યા. જેમાં ધારાસભ્યો તો નથી રહેતા પણ ધારાસભ્યોના મત વિસ્તારથી ગાંધીનગરમાં અભ્યાસ માટે અથવા તો નોકરી માટે આવતા યુવાનો રહી રહ્યા છે.

જુના સદસ્ય નિવાસસ્થાન ખાતે VTV દ્વારા આજે રિયાલિટી ચેક કરવામાં આવ્યું હતું જેમાં અલ્પેશ ઠાકોર, મોહન ઢોડીયા, માવજી દેસાઈ, જિજ્ઞેશ મેવાણી, કાંધલ જાડેજા સહિત 30 થી વધુ ધારાસભ્યો જૂના ક્વાટર્સ પરથી પોતાનો કબજો છોડતા નથી.

જ્યારે VTV એ આજે ક્વાર્ટર ની મુલાકાત કરી હતી જેમાં અનેક યુવાનો સામે આવ્યા હતા જ્યારે VTV ના કેમેરામાં અમે કવાટર ખાલી જ કરવાના છીએ, સમાન વધુ છે, ધારાસભ્યોના અગત્યના કાગળ છે એવા બહાના આપ્યા હતા. જ્યારે પૂર્ણેશ મોદીના કાવતરને વિધાનસભા ના કર્મચારીને ફાળવણી કરાઈ હોવાની સામે આવ્યું છે.

આ પણ વાંચોઃ વલસાડના ઉમરગામના દરિયામાં 6 બાળકો તણાયા, 1નું મોત, 5નો આબાદ બચાવ

આમ રાજ્ય સરકારના માર્ગ અને મકાન વિભાગ તથા ગુજરાત વિધાનસભા તંત્રની જવાબદારી હોય છે. જુના આવાસ ખાલી કરાવવાના ઉપરાંત ધારાસભ્યોને અને એક વખત સૂચના અને નોટિસ પણ પાઠવવામાં આવી છે. તેમ છતાં પણ ધારાસભ્ય જૂના નિવાસ સ્થાન ખાલી કર્યા નથી ત્યારે હવે ખરેખર જુના આવાસ યોજના ખાલી થશે તે જોવું રહ્યું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ