VIDEO / સ્ટાર બનતા જ રાનૂ મોંડલને 10 વર્ષથી શોધતી દીકરી મળવા પહોંચી, માતા જેવો જ સૂરીલો અવાજ

સાથે ગાતો વીડિયો થયો વાયરલ
રાનૂનો દીકરી સાતી સાથે ગાતો વીડિયો વાયરલ થઈ રહ્યો છે. સાતી રૉયના છૂટાછેડા થઈ ચૂક્યા છે. સાતીનો એક દીકરો છે. તે કરિયાણાની દુકાન ચલાવે છે. હાલમાં લોકો સાતીને મેણાં મારી રહ્યા છે કે માતાના રૂપિયા અને નામ જોઈને તે માતા પાસે પાછી આવી છે. પણ અતિન્દ્રએ પોતાની એક પોસ્ટમાં આ વાતને ખોટી ઠેરવી છે. તેઓએ બાંગ્લામાં લખ્યું છે કે આજે હું ખુશ છું અને ફક્ત ભગવાન જ જાણે છે કે હું ખુશ કેમ છું. પૈસા જીવનમાં મોટી વસ્તુ નથી, મારા એક વીડિયોના કારણે આજે રાનૂ પોતાની દીકરીને ફરીથી મળી રહી છે. 

અતિન્દ્ર ચક્રવર્તીએ કર્યો વીડિયો વાયરલ
રાનાઘાટ સ્ટેશન પર ગાતી રાનૂનો વીડિયો અતિન્દ્ર ચક્રવર્તીએ બનાવ્યો હતો અને પોતાના ફેસબુક એકાઉન્ટ પર વાયરલ કર્યો હતો. અતિન્દ્ર સોફ્ટવેર એન્જીનિયર છે અને રાનાઘાટમાં રહે છે. જ્યારથી રાનૂને નામ મળ્યું છે ત્યારથી તેઓ તેની સાથે છે. 

હિમેશે આપ્યો બ્રેક
હિમેશે જ્યારે રાનૂનો સિંગિંગ વીડિયો જોયો ત્યારથી તેઓ તેના ફેન થઈ ગયા. તેઓએ રાનૂ પાસે અપકમિંગ ફિલ્મ હેપ્પી હાર્ડી એન્ડ હીરને માટે એક સોન્ગ રેકોર્ડ કરાવ્યું. હિમેશે રેકોર્ડિંગનો એક વીડિયો ઇન્સ્ટાગ્રામ પર પણ શેર કર્યો હતો. જેમાં રાનૂ તેરી મેરી કહાની ગીત રેકોર્ડ કરતી જોવા મળી છે. 

ફોટો સૌજન્ય - Twitter.com