તમારા કામનું / રેલવે વિભાગમાં ફરી ભરતી પડી, એ પણ એકસાથે 5800 પદ પર, જાણો છેલ્લી તારીખ

રેલ્વે ભરતી બોર્ડ (RRB) એ NTPC (નોન-ટેકનિકલ પોપ્યુલર કેટેગરી) માટે 5,800 સ્નાતક સ્તરની જગ્યાઓ માટે ભરતી જાહેર કરી છે. આ ભરતીમાં સ્ટેશન માસ્ટર, ટ્રાફિક સહાયક, ગુડ્સ ટ્રેન મેનેજર, ચીફ કોમર્શિયલ કમ ટિકિટ સુપરવાઇઝર, સિનિયર ક્લાર્ક અને જુનિયર સહાયક જેવા પદ સામેલ છે. અરજી કરવાની છેલ્લી તારીખ 20 નવેમ્બર છે અને ઉમેદવારોએ સત્તાવાર વેબસાઇટ rrbapply.gov.in પર જઈને ઓનલાઈન અરજી કરવી પડશે.આ ભરતીની ખાસ વાત એ છે કે પસંદ થયેલા ઉમેદવારોને રૂપિયા25,000 થી રૂપિયા 1,00,000 સુધીનો પગાર સાથે મુસાફરી ભથ્થું અને પેન્શનની સુવિધા પણ મળશે.

RRB NTPC ગ્રેજ્યુએટ લેવલ માટે અરજી કરવા માટે ઉમેદવાર પાસે ગ્રેજ્યુએટ ડિગ્રી હોવી જરૂરી છે. ઉમેદવારની ન્યૂનતમ વય 18 વર્ષ અને વધુમાં વધુ વય 33 વર્ષ હોવી જોઈએ.

સરકારના નિયમો મુજબ વય મર્યાદામાં છૂટ આપવામાં આવશે:

• SC/ST ઉમેદવારોને: 5 વર્ષની છૂટ
• OBC ઉમેદવારોને: 3 વર્ષની છૂટ
• દિવ્યાંગ ઉમેદવારોને: 10 વર્ષની છૂટ

એટલે કે, યોગ્ય લાયકાત અને ઉંમર ધરાવતા બધા ઉમેદવારો આ ભરતી માટે અરજી કરી શકે છે.

આ પણ વાંચોઃ નોકરી વાંચ્છુક નવયુવાનો માટે ઘર આંગણે Jobની તક, આ રીતે કરો અરજી

એપ્લિકેશન ફી

આ ભરતી માટે અરજી ફી જનરલ/ઓબીસી માટે રૂપિયા 500 અને SC/ST માટે રૂપિયા 250 છે, જ્યારે મહિલાઓ/પીડબ્લ્યુડી માટે અરજી ફી મફત છે.

કેવી રીતે સિલેક્શન થશે?

RRB NTPC ગ્રેજ્યુએટ લેવલની ભરતી CBT-1 ટેસ્ટથી શરૂ થશે, જેમાં સામાન્ય જાગૃતિ, ગણિત અને તર્ક માટે 100 ગુણ હશે. આ ટેસ્ટ પાસ કરનારાઓ પછી CBT-2 માટે આગળ વધશે, જેમાં કૌશલ્ય કસોટીનો સમાવેશ થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ