તમારા કામનું / નોકરી વાંચ્છુક નવયુવાનો માટે ઘર આંગણે Jobની તક, આ રીતે કરો અરજી

Gujarat Bharti 2025 Arvalli Bharti: અરવલ્લી જિલ્લાના નોકરી શોધી રહેલા ઉમેદવારો માટે ખુશીની ખબર આવી છે. જિલ્લા પી.એમ. પોષણ યોજના કચેરી દ્વારા 11 માસની કરાર આધારીત જગ્યાઓ માટે ભરતીની જાહેરાત બહાર પાડવામાં આવી છે. આ ભરતી અંતર્ગત જિલ્લા પ્રોજેક્ટ કો ઓર્ડિનેટર અને તાલુકા પી.એમ. પોષણ સુપરવાઈઝર સહિત કુલ 5 જગ્યાઓ ભરવામાં આવશે. અરજદારોને અરજી પ્રક્રિયા ઓફલાઈન કરવી રહેશે. ભરતીની જાહેરાત 11 નવેમ્બર 2025ના રોજ પ્રકાશિત કરવામાં આવી છે અને જાહેરાત થયાના 10 દિવસની અંદર અરજી મોકલવાની રહેશે.

શૈક્ષણિક લાયકાત અને વય મર્યાદા

ભરતીમાં જિલ્લા કક્ષાએ 1 જગ્યાએ પ્રોજેક્ટ કો ઓર્ડિનેટર તથા તાલુકા કક્ષાએ 4 જગ્યાએ પી.એમ. પોષણ સુપરવાઈઝર માટે ભરતી થશે. શૈક્ષણિક લાયકાત અને વય મર્યાદા સંબંધિત વિગત જિલ્લા પુરવઠા અધિકારીની કચેરીના નોટિસ બોર્ડ પર ઉપલબ્ધ છે. ઉમેદવારોને અરજી કરતા પહેલા કચેરીમાં જઈને જરૂરી લાયકાતો અને માપદંડો તપાસવાની સલાહ આપવામાં આવે છે.

પગાર ધોરણ અને પસંદગી પ્રક્રિયા

• પોષણ યોજનાની આ ભરતીમાં યોગ્ય ઉમેદવારોને માસિક ફિક્સ પગાર આપવામાં આવશે.
• જિલ્લા પ્રોજેક્ટ કો ઓર્ડિનેટર: ₹18,000 પ્રતિ મહિનો
• તાલુકા પી.એમ. પોષણ સુપરવાઈઝર: ₹25,000 પ્રતિ મહિનો
• અરજી કરનાર ઉમેદવારોમાંથી મેરિટ પ્રમાણે પસંદગી કરવામાં આવશે અને પસંદ ઉમેદવારોને ઈન્ટરવ્યૂ તથા પ્રમાણપત્ર ચકાસણી માટે લેખિત અથવા ઈમેઈલ દ્વારા જાણ કરવામાં આવશે.

આ પણ વાંચો: અન્નદાતાને રાહતનું પેકેજ! પાક નુકસાની માટે આજથી નોંધણી શરુ, આ રીતે કરાવો રજિસ્ટ્રેશન

અરજી કરવાની પ્રક્રિયા અને સરનામું

ઉમેદવારોને અરજી ફોર્મ તથા લાયકાતની શરતો જિલ્લા પુરવઠા અધિકારી, પી.એમ. પોષણ યોજનાની કચેરી, C/F/12, પ્રથમ માળ, જીલ્લા સેવા સદન, મોડાસા, અરવલ્લી ખાતે રૂબરૂ મેળવી શકાશે. અરજી ફોર્મ નિર્ધારિત નમૂનામાં ભરીને સાદી ટપાલ, રજીસ્ટર પોસ્ટ A.D. અથવા સ્પીડ પોસ્ટ દ્વારા મોકલવાની રહેશે. નિયત સમય પછી મળેલ અરજીઓ માન્ય ગણાશે નહીં.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ