મિશન ઇલેક્શન / રાહુલ ગાંધી ફરી ગુજરાત આવશે, કરશે કાર્યકર્તાઓ સાથે સંવાદ, ચર્ચાશે વિવિધ મુદ્દા

કોંગ્રેસ ફરી એકવાર એક્ટિવ મોડમાં આવી છે. ગુજરાતમાં રાષ્ટ્રીય અધિવેશન યોજ્યા બાદ હવે ફરી એકવાર રાહુલ ગાંધી ગુજરાત કોંગ્રેસને મજબૂત કરવાના ભાગ રૂપે અમદાવાદ અને ઉત્તર ગુજરાતના પ્રવાસે આવશે. રાહુલ ગાંધી 15 અને 16 એપ્રિલે અમદાવાદમાં આવશે અને ઉત્તર ગુજરાતમાં કોંગ્રેસના કાર્યકર્તાઓ સાથે સંવાદ સાધશે

કોંગ્રેસે 2027ની ચૂંટણી જીતવાની તૈયારી શરૂ કરી

નૂતન ગુજરાત, નૂતન કોંગ્રેસના નારા સાથે કોંગ્રેસ 2027ની ચૂંટણી જીતવાની તૈયારી શરૂ કરી છે. ત્યારે 15 એપ્રિલ અમદાવાદમાં અને 16 એપ્રિલે ઉત્તર ગુજરાતમાં રાહુલ ગાંધી પ્રવાસ કરશે. જિલ્લાઓમાં પ્રમુખો અને સંગઠનને મજબૂત કરવા માટે રાહુલ ગાંધી સંવાદ કરશે અને તમામ જિલ્લા પ્રમુખોને કોંગ્રેસના નેતાઓ તેમની કામગીરીને લઈને માર્ગદર્શન આપશે. કોંગ્રેસના નવા સંગઠનનો પાયલોટ પ્રોજેક્ટ ગુજરાતી શરૂ થઈ રાજસ્થાન તરફ આગળ વધશે.

આ પણ વાંચો: ગુજરાતના વધુ એક જિલ્લાના ખેડૂતો માટે ખુશખબર: લેવાયો મહત્વનો નિર્ણય, થશે ફાયદો

ગુજરાત કોંગ્રેસ સંગઠનમાં ફેરફારના સંકેત

અત્રે જણાવીએ કે, રાહુલ ગાંધીના ગુજરાત પ્રવાસ દરમિયાન સંગઠનમાં પણ મોટા બદલાવ થઈ શકે છે. કોંગ્રેસના રાષ્ટ્રીય અધિવેશવમાં સંગઠનને લઈ કેટલીક ચર્ચાઓ થઈ હતી તેમજ જિલ્લા પ્રમુખોને મજબૂત બનાવવા અને ટિકિટ વહેચણીમાં તેમને સાથે રાખવાની વાત કરવામાં આવી હતી. ત્યારે રાહુલ ગાંધી ગુજરાતમાં આવી રહ્યાં છે અને કોંગ્રેસને મજબૂત બનાવવા માટે કેટલાક મોટા ફેરફાર પણ થઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ