CWG 2022 / પીવી સિંધુએ ભારતને અપાવ્યો 19મો ગોલ્ડ મેડલ, કોમનવેલ્થમાં પહેલી વખત મળી ગોલ્ડન સફળતા

• ભારતની સ્ટાર ખેલાડી પીવી સિંધુએ અપાવ્યો ગોલ્ડ મેડલ
• કોમનવેલ્થ ગેમ્સમાં સિંધુએ પ્રથમ વાર ગોલ્ડ જીત્યો
• મેડલ ટેલીમાં ભારત હવે ચોથા નંબરે આવ્યું

ભારતની ટેનિસ સ્ટાર પીવી સિંધુ કોમનવેલ્થ ગેમ્સ 2022ની સિંગલ્સ ફાઈનલમાં ઉતરી અને દમદાર શરૂઆત કરી હતી. તેણે પ્રથમ ગેમમાં કેનેડાની વર્લ્ડ નંબર 13 મિશેલ લીને 21-15થી હરાવી હતી. દુનિયાના નંબર 7 શટલર પીવી સિંધુનો સિંગલમાં આ પ્રથમ ગોલ્ડ મેડલ છે.

• પ્રથમ ગેમ- 21-15થી સિંધુએ જીતી
• બીજી ગેમ- 21-13થી સિંધુએ જીતી

#CommonwealthGames2022 | India's PV Sindhu wins Gold in final of women's singles in Badminton pic.twitter.com/I9CtQqyM8Z

— ANI (@ANI) August 8, 2022

બે વખત ઓલંપિક ચેમ્પિયન પીવી સિંધુએ કોમનવેલ્થ ગેમ્સમાં છેલ્લી બે સિઝનમાં 2014માં બ્રોન્ઝ અને 2018માં સિલ્વર મેડલ જીત્યો છે. સિંધુએ આ સિઝનમાં મિક્સ્ડ ટીમ ઈવેંડમાં સિલ્વર મેડલ જીત્યો છે. જ્યારે 2018માં કોમનવેલ્થ ગેમ્સમાં સિંધુએ મિક્સ્ડ ટીમ ઈવેંડમાં ગોલ્ડ જીત્યો હતો. 

#CommonwealthGames2022 | PV Sindhu beats Michelle Li of Canada 21-15 21-13 in final of women's singles to win a gold medal in Commonwealth Games 2022 pic.twitter.com/lkbf3HiAK4

— ANI (@ANI) August 8, 2022

પ્રથમ ગેમમાં મિશેલે સિંધુને થોડી ટક્કર આપી હતી, પણ બીજી ગેમમાં સિંધુએ તેને કોઈ મોકો આપ્યો નહોતો. બીજી ગેમ ભારતની સ્ટાર શટલરે 21-13થી જીતી હતી. તેની સાથે જ સિંધુએ કોમનવેલ્થ ગેમ્સમાં સિંગલ્સમાં પોતાના પ્રથમ ગોલ્ડ મેડલ જીત્યો છે. મેડલ ટેલીમાં ભારત હવે ચોથા નંબરે આવી ગયું છે. ભારતના ખાતામાં અત્યાર સુધીમાં 19 ગોલ્ડ, 15 સિલ્વર અને 22 બ્રોન્ઝ મેડલ આવી ચુક્યા છે.