ભારતની ટેનિસ સ્ટાર પીવી સિંધુ કોમનવેલ્થ ગેમ્સ 2022ની સિંગલ્સ ફાઈનલમાં ઉતરી અને દમદાર શરૂઆત કરી હતી. તેણે પ્રથમ ગેમમાં કેનેડાની વર્લ્ડ નંબર 13 મિશેલ લીને 21-15થી હરાવી હતી. દુનિયાના નંબર 7 શટલર પીવી સિંધુનો સિંગલમાં આ પ્રથમ ગોલ્ડ મેડલ છે.
બે વખત ઓલંપિક ચેમ્પિયન પીવી સિંધુએ કોમનવેલ્થ ગેમ્સમાં છેલ્લી બે સિઝનમાં 2014માં બ્રોન્ઝ અને 2018માં સિલ્વર મેડલ જીત્યો છે. સિંધુએ આ સિઝનમાં મિક્સ્ડ ટીમ ઈવેંડમાં સિલ્વર મેડલ જીત્યો છે. જ્યારે 2018માં કોમનવેલ્થ ગેમ્સમાં સિંધુએ મિક્સ્ડ ટીમ ઈવેંડમાં ગોલ્ડ જીત્યો હતો.
પ્રથમ ગેમમાં મિશેલે સિંધુને થોડી ટક્કર આપી હતી, પણ બીજી ગેમમાં સિંધુએ તેને કોઈ મોકો આપ્યો નહોતો. બીજી ગેમ ભારતની સ્ટાર શટલરે 21-13થી જીતી હતી. તેની સાથે જ સિંધુએ કોમનવેલ્થ ગેમ્સમાં સિંગલ્સમાં પોતાના પ્રથમ ગોલ્ડ મેડલ જીત્યો છે. મેડલ ટેલીમાં ભારત હવે ચોથા નંબરે આવી ગયું છે. ભારતના ખાતામાં અત્યાર સુધીમાં 19 ગોલ્ડ, 15 સિલ્વર અને 22 બ્રોન્ઝ મેડલ આવી ચુક્યા છે.