ટેક્નો / આ બટન દબાવાથી કાર તરત જ થઈ જશે બરફની જેમ ઠંડી, મોટા ભાગના લોકો નથી જાણતા તેનો ઉપયોગ

દિવસે ને દિવસે ગરમીનું પ્રમાણ વધી રહ્યુ છે. લોકો ઘરમાં, ઓફિસમાં અને કારમાં પણ ACનો ઉપયોગ ગરમીથી બચવા કરતા હોય છે. પરંતુ અનેક લોકોને એક વાતની નથી ખબર હોતી કે કારમાં એક એવુ બટન હોય છે જેના કારણે ભયંકર ગરમીમાં પણ કારની કેબિન ઠંડી હેમ થઈ જશે. અમે તમને એ બટન વિશે જાણકારી આપીશું.

એર રી-સર્ક્યૂલેશન

કારમાં એક એવુ બટન હોય છે જે કારને તરત જ ઠંડી કરી નાખે છે. જો તમે આ બટન દબાવો છો તો તમારી કાર થોડી જ મિનીટોમાં ઠંડી થઈ જશે. તેને એર રી-સર્ક્યૂલેશન બટન કહેવાય છે. તેને પુશ કરવાથી કાર તરત જ ઠંડી થવા લાગે છે. આ બટનનું કામ એર રી-સર્ક્યૂલેશન સિસ્ટમને ઓન કરવાનું છે. તેનો ઉપયોગ કરવાથી કારની અંદરની હવા ઠંડી થવા લાગે છે.

આવી રીતે કામ કરે છે સિસ્ટમ

જો તમે ગરમીમાં કારની AC ચાલુ કરો છો ત્યારે કારની બહારની હવા અંદર ખેંચીને ઠંડુ થવાની પ્રોસેસ થાય છે. પરંતુ તેમાં AC સિસ્ટમને હવા ઠંડી કરવામાં ભારે મહેનત કરવી પડે છે અને કાર જલ્દી ઠંડી નથી થતી. પરંતુ જો તમે એર રી-સર્ક્યૂલેશન બટન ઓન કરો છો તો કાર બહારની જગ્યાએ અંદરની હવાને ઠંડી કરવાનું શરુ કરે છે. તેના કારણે કારના કેબિનની ઠંડી હવા રી-સર્ક્યૂલેટ થવા લાગે છે. તેને AC વારંવાર ઠંડી કરે છે. આના કારણે ACને ઠંડી હવા કરવામાં વધારે સમય નથી લાગતો અને થોડી જ મિનીટોમાં કાર ઠંડી થઈ જાય છે.

વાંચવા જેવું: આખો દિવસ ACની હવા ખાતા હોય તો ડેન્જર, જટિલ બીમારીઓ કરશે ઘર

ઉનાળામાં આ ફીચરનો ઉપયોગ કરવો

કારમાં આ એર રી-સર્ક્યૂલેશનનું બટન AC કંસોલ પાસે હોય છે. તેનો ઉપયોગ ઉનાળામાં કરવો જ જોઈએ. શિયાળામાં જ્યારે કારની અંદરના ભાગે કાચમાં ફોગ જામી ત્યારે તેને હટાવવા આ બટનનો ઉપયોગ કરી શકાય છે.