બચત / પરચૂરણ ખર્ચો બંધ કરી માત્ર 100 રૂપિયામાં શરૂ કરો બચત, પોસ્ટ-ઓફિસની આ સ્કીમમાં મળે છે જોરદાર રિટર્ન

• પોસ્ટ ઓફિસ ઇન્વેસ્ટમેન્ટ સ્કીમ
• રિકરીંગ ડિપોઝીટમાં કરી શકો છો ઇન્વેસ્ટ
• દર વર્ષે 5.8ટકા મળશે વ્યાજ

કહેવાય છે કે ટીપે ટીપે સરોવર ભરાય. ફાઇનાન્સિયલ પ્લાનિંગ કરી રહ્યા હોવ તો આ કહેવત તમને સારી રીતે લાગુ પડે છે. આમ તો જીવનમાં બચત કરવી જરુરી છે. ભલે નાની બચતથી શરુઆત કરો પણ બચત તો કરવી જ જોઇએ. જો તમે દર મહિને થોડી બચત કરો છો તો તમે ગેરન્ટી રિટર્ન માટે પોસ્ટ ઓફિસ રિકરીંગ ડિપોઝીટમાં ઇન્વેસ્ટ કરી શકો છો. POST OFFICEની આ સ્કીમમાં રોકાણ કરવાથી દર વર્ષે તમને 5.8 ટકાના દરે વ્યાજ મળે છે. આ સ્કીમમાં તમે 100 રુપિયાની નાની રકમથી શરુઆત કરી શકો છે.  જો કે હાલમાં POST OFFICE RDમાં ઇન્વેસ્ટમેન્ટ કરવા માટે કોઇ મેક્સિમમ લિમિટ નક્કી કરવામાં આવી નથી.

કોણ ખોલાવી શકે છે આ ખાતુ

આ સ્કીમમાં 18 વર્ષથી વધુ ઉંમરની કોઇ પણ વ્યક્તિ ખાતુ ખોલાવી શકે છે. આ ઉપરાંત 3 લોકોનું જોઇન્ટ એકાઉન્ટ પણ ખોલાવી શકાય છે.  સગીર વતી તેના ગાર્ડીયન્સ, તથા માનસિકરુપથી અસ્વસ્થ વ્યક્તિ તરફથી ગાર્ડિયન્સ આ ખાતુ ખોલાવી શકે છે. કોઇ પણ વ્યક્તિ ગમે તેટલા અકાઉન્ટ ખોલાવી શકે છે.

POST OFFICE RD કેવી રીતે ખોલાવશો

 કોઇ પણ વ્યક્તિ પોસ્ટ ઑફિસ પર જઇને આ એકાઉન્ટ ખોલાવી શકે છે. 
કેશ અથવા ચેક દ્વારા પૈસા જમા કરાવીને ખાતુ ખોલાવી શકે છે
દર મહિને પૈસા જમા કરવા માટે આપવામાં આવે છે સમયગાળો
જો આ સમયગાળામાં પૈસા ના ભરો તો દંડ ભરવો પડે

મેચ્યોરિટી ક્યારે

આ ખાતુ ખોલાવ્યાના પાંચ વર્ષ પછી તે મેચ્યોર થઇ જાય છે. મેચ્યોરિટી બાદ પણ તમે આ ખાતાને વધુ પાંચ વર્ષ માટે એક્સટેન્ડ કરી શકો છો.

POST OFFICE RDથી લૉન પણ મળે 

જો તમે આ સ્કીમ હેઠળ ખાતું ખોલો છો, તો તમે લોન પણ લઈ શકો છો. જો કે આ માટે ઓછામાં ઓછા 12 હપ્તા જમા કરાવવાના રહેશે. તમારા ખાતામાં જમા થયેલી કુલ રકમના 50% સુધી લોન લઈ શકાય છે