ભેટ / ગુજરાતને મળી પહેલી 'અમૃત ભારત એક્સપ્રેસ' ટ્રેન, જાણીને ખુશ થઇ જશે સુરતીલાલા

ગુજરાતના લાખો મુસાફરો માટે સારા સમાચાર છે. ભારતીય રેલવે દ્વારા ગુજરાતને તેની પ્રથમ અમૃત ભારત એક્સપ્રેસ ટ્રેન મળી છે. આ સુપરફાસ્ટ ટ્રેન સુરત-બ્રહ્મપુર ( ઓડિસા) વચ્ચે દોડશે. આ ટ્રેન શરૂ થવાથીસુરત અને ઓડિશા વચ્ચેની મુસાફરી હવે વધુ સરળ બનશે. વડાપ્રધાન નરેન્દ્ર મોદી 27 સપ્ટેમ્બરના રોજ ઓડિશાના પ્રવાસ દરમિયાન આ ટ્રેનને લીલી ઝંડી બતાવીને સુરત રવાના કરશે. આ ટ્રેનનું સત્તાવાર સમયપત્રક હજુ જાહેર કરાયું નથી.. ટુંક સમયમાં રેલવે મંત્રાલય દ્વારા તેનું સમયપત્રક જાહેર કરાશે, આ ટ્રેન મુસાફરોને સસ્તી અને આરામદાયક મુસાફરીનો વધુ એક વિકલ્પ પુરો પાડશે

અમૃત ભારત એક્સપ્રેસ ટ્રેનની ખાસિયત

-આ એક સુપરફાસ્ટ ટ્રેન છે જેની મહત્તમ ગતિ 130 કિલોમીટર પ્રતિ કલાક છે. આ ટ્રેન ‘પુશ-પુલ’ ટેકનોલોજી પર આધારિત છે, જેમાં ટ્રેનના બંને છેડે એન્જિન હોય છે.

-આ ટ્રેન નોન-એસી છે. તેમાં મુખ્યત્વે સ્લીપર અને જનરલ (અનરિઝર્વ્ડ) કોચ હોય છે. આ ટ્રેનો લાંબા અંતરની મુસાફરી માટે બનાવવામાં આવી છે.

-આ ટ્રેન સામાન્ય લોકો અને લાંબા અંતરની મુસાફરી કરતા મજૂરોને ધ્યાનમાં રાખીને શરૂ કરવામાં આવી છે. આ ટ્રેનનો મુખ્ય હેતુ સસ્તા અને આરામદાયક પ્રવાસનો વિકલ્પ પૂરો પાડવાનો છે.

આ પણ વાંચોઃ ‘સમુદ્ર સે સમૃદ્ધિ’ કાર્યક્રમમાં PM મોદી, કરોડોના વિકાસકાર્યોનું કર્યું લોકાર્પણ

વંદે ભારત ટ્રેન અને અમૃત ભારત એક્સપ્રેસ ટ્રેન વચ્ચે શું ફરક છે ?

- વંદે ભારત એસી છે જ્યારે અમૃત ભારત નોન-એસી છે.

-વંદે ભારતનું ભાડું વધુ હોય છે, જ્યારે અમૃત ભારતનું ભાડું ઓછું હોય છે.

-વંદે ભારત ટૂંકા અને મધ્યમ અંતર માટે છે, જ્યારે અમૃત ભારત લાંબા અંતર માટે છે.

-વંદે ભારત એન્જિન વગરની ટ્રેનસેટ છે, જ્યારે અમૃત ભારતમાં ‘પુશ-પુલ’ ટેકનોલોજીનો ઉપયોગ થાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ