નેશનલ / PM મોદીએ UAEના રાષ્ટ્રપતિને નકશીકામ કરેલો હીંચકો ભેટમાં આપ્યો પછી બન્ને સાથે ઝૂલ્યા

ભારતની એક દિવસીય મુલાકાતે આવેલા UAEના રાષ્ટ્રપતિ મોહમ્મદ બિન ઝાયેદ અલ નાહ્યાનનું એરપોર્ટ પર શાનદાર સ્વાગત કરવામાં આવ્યું હતું. જેમાં પ્રધાનમંત્રી નરેન્દ્ર મોદી પ્રોટોકોલ તોડીને દિલ્હી એરપોર્ટ પર તેમનું સ્વાગત કરવા પહોંચ્યા હતા. જ્યાં આ બંને નેતાઓ ઉષ્માભેર મળ્યા હતા. આ મુલાકાત દરમિયાન પ્રધાનમંત્રી નરેન્દ્ર મોદીએ તેમને ભેટો પણ આપી હતી.

પ્રધાનમંત્રી મોદીએ UAEના રાષ્ટ્રપતિને શાહી કોતરણીવાળો એક ઝુલો ભેટ આપ્યો હતો. જેમાં ગુજરાતી હસ્તકલાની કલાત્મકતા જોવા મળતી હતી. આ ઝુલો સારા સંબંધો અને સૌહાર્દનું પ્રતીક મનાઈ રહ્યું છે. પ્રધાનમંત્રી નરેન્દ્ર મોદીએ તેલંગાણામાં બનાવેલ ચાંદીના બોક્સમાં પશ્મીની શોલ પણ ભેટ કરી હતી. આ બંને ભેટ ભારતની કોમન હેરીટેઝ અને પરંપરાઓને દર્શાવવા માટે એકસાથે અપાઈ હતી. પ્રધાનમંત્રી નરેન્દ્ર મોદી અને નાહ્યાન સાથે ઝૂલા પર પણ બેસેલા જોવા મળ્યા હતા.

આ ભેટ વર્ષ 2026ને UAE દ્વારા "પરિવારનું વર્ષ" જાહેર કરવાના સંદર્ભમાં ખાસ અર્થપૂર્ણ મનાઈ રહી છે. પ્રધાનમંત્રીએ તેમને સુશોભિત ચાંદીના બોક્સમાં પશ્મીના શોલ પણ ભેટમાં આપી હતી. આ પશ્મીના શોલ કાશ્મીરની છે અને બારીક ઊનમાંથી હાથથી વણાયેલી છે. આ શોલ તેલંગાણામાં બનાવેલ સુશોભિત ચાંદીના બોક્સમાં રાખવામાં આવી હતી. એકસાથે આ ગીફ્ટ ભારતની સમૃદ્ધ હાથવણાટ અને હસ્તકલા પરંપરાઓનું પ્રતિનિધિત્વ કરે છે.

વધુ વાંચો : નીતિન નબીન બન્યાં ભાજપના રાષ્ટ્રીય અધ્યક્ષ, કાલે 11 વાગ્યે સંભાળશે હોદ્દો

આ રીતે શેખા ફાતિમા બિન્ત મુબારક અલ કેતબીને પણ સુશોભિત ચાંદીના બોક્સમાં રાખવામાં આવેલી પશ્મીના શોલ ભેટમાં કરાઈ હતી. તેમને ચાંદીના બોક્સમાં કાશ્મીરી કેસર પણ ભેટ કરાઈ હતી. કાશ્મીરની ઘાટીમાં ઉગાડવામાં આવતું કેસર તેના ઘેરા લાલ રેસા અને સુગંધ માટે ફેમસ છે. 

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ