ટ્રાવેલ / ચોમાસામાં ધોધની મજા માણવા અમદાવાદની નજીક છે આવેલી છે જગ્યા, વન ડે પિકનિક માટે છે બેસ્ટ

ગુજરાતમાં હાલ ચોમાસુ ચાલી રહ્યું છે ત્યારે જંગલ વિસ્તારમાં આવેલા ધોધ પણ સક્રિય થઇ જાય છે. ચોમાસાની સીઝનમાં ખાસ કરીને લોકો વરસાદ અથવા નદીનું પાણી ધોધ સ્વરૂપે પડતુ હોય છે એવા પિકનિક સ્પોટ પર ફરવા જવાનું વધુ પસંદ કરશો. 

વાત્રક નદી પર આવેલ આ ઝાંઝરી વોટરફોલ પ્રવાસીઓને પોતાની સુંદરતાથી આકર્ષે છે. દહેગામથી થોડેક આગળ જતાં આ વોટરફોલ આવે છે, જ્યાં તમે પ્રાકૃત્તિક સૌંદર્યની મજા માણી શકો છો. સાથે જ ફોટોગ્રાફી માટે પણ આ સ્થળ પ્રખ્યાત છે. સાથે જ અહીં પ્રવાસીઓ માટે કેમલ રાઇડ પણ ઉપલબ્ધ છે.

દહેગામનું લોકેશન એવી જગ્યા પર છે કે જે પોતાનામાં અનેકવિધ સંભાવનાઓ ધરાવે છે. અમદાવાદ-નરોડાથી લગભગ ૨૦ કીમી દુર અને ગુજરાતના પાટનગર ગાંધીનગરથી ૨૫ કીમી દુર આ સ્થળ આવેલું છે. અમદાવાદ અને ગાંધીનગર બંને ગુજરાતના ગ્રોથ એન્જીન ગણાતા મહાનગરો છે અને બંનેથી લગભગ સમાન અંતરે ત્રિભેટા પર દહેગામ આવેલું છે. હવે થોડીક એવી બાબતો પર નજર નાખીએ જે દહેગામને પ્રવાસન સ્થળ તરીકે વિકસિત કરી શકે છે અને સ્થાનિક યુવાનો માટે રોજગારીની નવી તકો ઉપલબ્ધ કરાવી શકે છે.

ઝાંઝરી વોટરફોલ

દહેગામથી લગભગ ૪૦ કીમી દુર આવેલો ઝાંઝરી વોટરફોલ અમદાવાદ ગાંધીનગરમાં એક લોકપ્રિય ટૂરીઝમ ડેસ્ટીનેશન છે અને ત્યાં જવાનો રસ્તો મોટાભાગે દહેગામ થઈને જ પસાર થઈ જાય છે જો કોઈ રીતે આ ટુરીસ્ટોને દહેગામના ઈતિહાસ અને દહેગામમાં આવેલા ૨-૪ સ્થળોના દર્શન કરવા માટે આકર્ષિત કરવામાં આવે તો ચોક્કસપણે ઝાંઝરીથી પરત ફરતા કે જતા લોકો દહેગામના પ્રવાસન સ્થળ પણ નિહાળવાનુ પસંદ કરશે. અને આ માટે મદદરુપ બની શકે છે. દહેગામના કેટલાક વિશેષ આકર્ષણો. દહેગામ પોતે ૬૦૦ વર્ષ જુનો ઈતિહાસ ધરાવે છે અને એટલે જ અંહીની અનેક બાબતો પ્રવાસીઓને આકર્ષી શકે છે. પ્રાકૃતિક સૌંદર્યનો નજારો જોવાની સાથે પર્યટકો ધોધ નીચે ન્હાવાનો લ્હાવો પણ માણતા હોય છે.