ભાવનગર જિલાના તળાજા તાલુકાના ગોરખી ગામે રહેતા અને તળાજા ની એક સ્કૂલમાં થી 12 મુ ધોરણ પાસ કરીને પોતાની ઓછી ઊંચી ના કારણે મેડિકલ કોલેજમાં પ્રવેશ મેળવવા માટે અનેક સંઘર્ષ કરીને આખરે ગણેશ બારૈયા હવે તબીબ બની ચુક્યો છે
ગણેશ બારૈયા એવા અનેક લોકો માટે પ્રેરણારૂપ છે.. જેઓ નાની નાની બાબતોમાં હિંમત હારી જતા હોય છે.. માત્ર 3 ફૂટના ગણેશે એ કરી બતાવ્યુ છે જેને જોઇને આજે ભલભલા મોંમાં આંગળા નાંખી રહ્યા છે.. અનેક સંઘર્ષ અને પડકારોનો સામનો કરીને ગણેશે એમબીબીએસ પાસ કરી લીધું છે.. અને હાલ સરકારી હોસ્પિટલમાં ઇન્ટર્નશિપ કરી રહ્યો છે.
હાઇકોર્ટે મંજુરી ન આપી તો સુપ્રીમ કોર્ટમાં ગયો
માત્ર 3 ફૂટ ની હાઈટ ધરાવતો ગણેશ નાનપણ થી તબીબ બનાવ ની ઈચ્છા રાખતો અને જે તેનું સ્વપ્નું હવે પૂર્ણ થતા તેની ખુશી નો કોઈ પાર નથી ..માત્ર 3 ફૂટની અત્યંત ઓછી હાઈટ ધરાવતો ગણેશ મેડિકલ કોલેજમાં પ્રવેશ મેળવા થનગનતો હતો અને પહેલા હાઇકોર્ટ માં મંજૂરી ના મળી નિરાશ થયો પરંતુ ત્યારબાદ બાદ સુપ્રીમ માંથી મંજૂરી મળતા આખરે તેને ભાવનગર ની મેડિકલ કોલેજમાં 2019 માં પ્રવેશ મેળવવા મંજુરી મળી હતી અને હવે 2024 માં તે એમ બી બી એસ ની ડિગ્રી પ્રાપ્ત કરી શક્યો છે અને હાલ ભાવનગર ની સિવિલ માં તે ઇન્ટરશીપ કર રહ્યો છે
ભણવામાં હોંશિયાર હતો પરંતુ આર્થિક પરિસ્થિતિ નહોતી સારી
ભાવનગર જિલ્લા ના ગોરખી ગામે રહેતા બારૈયા વિઠ્ઠલભાઇ નો પુત્ર ગણેશ નાનપણ થી જ ભણવામાં હોશિયાર હતો ગણેશનો પરિવાર ખેતીવાડીનો વ્યવસાય કરે છે અને તે આર્થિક રીતે સક્ષમ ન હોઇ શાળા ના ટ્રસ્ટી એ તેને આર્થિક મદદ કરીને ભણાવ્યો હતો.. ગણેશ હવે વિશ્વ ના સૌથી ઓછી હાઈટ ધરાવતો તબીબ બન્યો છે તેમ તેના મેડિકલ કોલેજના ડીન કહી રહ્યાં છે
કહેવાય છે કે અડગ મનના માનવી ને હિમાલય પણ નડતો નથી તેમ ગણેશ ને તબીબ બનતા કોઈ રોકી શક્યું નથી અને તેણે તેના માતા પિતાના સપનાને પૂર્ણ કર્યુ છે
