પંચમહાલ / પશુપાલકો આનંદો, આ ડેરીએ પ્રતિકિલો ફેટના ભાવમાં કરી વધારાની જાહેરાત

ગુજરાતના સ્થાપના દિવસે પંચમહાલ ડેરીએ મોટી જાહેરાત કરી છે. જે અંતર્ગત પશુપાલકોને હવે એક કિલો ફેટ દિઠ 20 રૂપિયા વધારે મળશે. ગુજરાત ગૌરવ દિવસની ઉજવણીના અવસર પર આ જાહેરાત કરાઇ છે. પંચામૃત ડેરીના ચેરમેન જેઠા ભરવાડે પશુપાલકો માટે આ મોટી જાહેરાત કરી છે. આ જાહેરાતથી પંચમહાલ, મહીસાગર, અને દાહોદના લાખ્ખો દુધ ઉત્પાદકોને લાભ મળશે.

ગુજરાતનું સહકારી ક્ષેત્ર સમગ્ર રાષ્ટ્ર માટે રોલ મોડલ રહ્યું છે. પંચામૃત ડેરી એ ત્રણ જિલ્લા પંચમહાલ, મહીસાગર અને દાહોદ સાથે સંકળાયેલ દૂધ મંડળીઓનું એક વિશાળ સહકારી માળખું છે. જેના થકી આજે ગ્રામ્ય વિસ્તારોમાં દૂધ મંડળીઓને નવતર રાહ ચિંધી આર્થિક સમૃધ્ધિના દ્રારા ખોલ્યા છે.

આ પણ વાંચોઃ રાજસ્થાન સ્કૂલ ફરી આવી વિવાદમાં, પ્રવેશને બદલે વિદ્યાર્થીઓને LC આપી દેતા વાલીઓમાં રોષ

પંચામૃત દૂધ સંઘ દ્રારા અમલ કરેલ વિવિધ યોજનાઓ અને માળખાકીય સુવિધાઓની વિગત જોઇએ તો વિવિધ યોજનાઓ હેઠળ દૂધાળા પશુ ખરીદીમાં સહાય કરે છે, દૂધ મંડળીઓ માટે મીલ્કો ટેસ્ટીંગ મશીન આપ્યા છે. દૂધ મંડળીઓને નવીન દૂધઘર બાંધકામ માટે સહાય કરી છે , દૂધ મંડળીઓને ગોડાઉન બાંધકામ માટે સહાય કરી છે. આ ઉપરાંત દૂધ મંડળીઓને બલ્ક કુલર સ્થાપના ઉપરાંત દૂધાળા પશુના ડેરી ફાર્મ સ્થાપવાની યોજના હેઠળ પણ સહાય આપવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ