તમારા કામનું / તમે તમારા ઈમેલ પર મંગાવી શકો છો PAN 2.0, નવા પાન કાર્ડની જાણો સ્ટેપ બાય સ્ટેપ પ્રોસેસ

ભારતમાં રહેતા લોકો માટે કેટલાક દસ્તાવેજો હોવા ખૂબ જ મહત્વપૂર્ણ છે. જો આ દસ્તાવેજો વિશે વાત કરીએ તો આધાર કાર્ડ, ડ્રાઇવિંગ લાઇસન્સ, પાસપોર્ટ, મતદાર કાર્ડ અને પાન કાર્ડ જેવા મહત્વપૂર્ણ દસ્તાવેજો સામેલ છે. દેશમાં કેટલાક ખૂબ જ મહત્વપૂર્ણ હેતુઓ માટે પાન કાર્ડનો ઉપયોગ થાય છે. આના વિના તમારા ઘણા કામ અટકી શકે છે. બેંકિંગ અને ઈન્કમ ટેક્સ રિટર્ન સંબંધિત કોઈપણ કામ પાન કાર્ડ વગર થઈ શકતું નથી.

હાલમાં ભારત સરકારે PAN 2.0 પ્રોજેક્ટ શરૂ કર્યો છે. આ અંતર્ગત પાન કાર્ડને અપગ્રેડ કરવામાં આવશે. PAN 2.0 ખૂબ જ સુરક્ષિત હશે અને તેને સરળતાથી એક્સેસ કરી શકાશે. તમે તેનો ડીજીટલ ઉપયોગ પણ કરી શકો છો. તમે તમારા ઈમેલ પર PAN 2.0 કેવી રીતે રાખી શકો છો. આવો અમે તમને આ માટે સ્ટેપ બાય સ્ટેપ પ્રોસેસ જણાવીએ છીએ.

ઈમેલ પર PAN 2.0 કેવી રીતે મેળવશો?

• ભારત સરકારે PAN 2.0 જારી કરવાનું શરૂ કર્યું નથી. પરંતુ તમે તેને તમારા ઈમેલ પર મેળવી શકો છો. આ માટે તમારે NSDLની સત્તાવાર વેબસાઇટ https://www.onlineservices.nsdl.com/paam/endUserRegisterContact.html પર જવું પડશે.
• આ પછી તમારે 'ડાઉનલોડ ePAN/ePAN XML' વિકલ્પ પર ક્લિક કરવાનું રહેશે.
• આ પછી તમારી સામે એક નવું પેજ ખુલશે. આ પછી તમારે પાન કાર્ડ નંબર, આધાર નંબર અને તમારી જન્મતારીખ દાખલ કરવી પડશે.
• ત્યારબાદ તમારે ચેક બોક્સ પર ટિક કરીને સબમિટ પર ક્લિક કરવાનું રહેશે.
• આ પછી તમને રજિસ્ટર્ડ મોબાઇલ નંબર પર એક OTP આવશે, તે દાખલ કર્યા પછી તમારે પેમેન્ટ પર ક્લિક કરવાનું રહેશે.
• ચુકવણી કર્યા પછી તમારું ઈ-પાન તમારા ઈમેલ આઈડી પર મોકલવામાં આવશે. જો કે, આ માટે તમારું ઈમેલ આઈડી ઈન્કમ ટેક્સ ડેટાબેઝમાં રજીસ્ટર કરાવવું જરૂરી છે. જો નહિં, તો તમે નોંધણી કરાવી શકો છો.

વધુ વાંચો : હજુ સુધી આધાર-પાન લિંક નથી કરાવ્યું? તો ફૉલો કરો આ સ્ટેપ્સ, આવી ગઇ છે અંતિમ ડેડલાઇન

ફરિયાદ નોંધાવી શકો

તમારા ઈમેલ આઈડી સુધી પહોંચવામાં ઈ-પાન માટે 30 મિનિટ જેટલો સમય લાગી શકે છે. જો તમને આ સમયગાળાની અંદર પણ ઈ-પાન કાર્ડ ન મળ્યું હોય તો પછી તમે [email protected] પર ઈમેલ મોકલીને તમારી ફરિયાદ નોંધાવી શકો છો અથવા હેલ્પલાઈન નંબર 02-027218080/81 પર કૉલ કરીને પણ તમે તમારા મંતવ્યો વ્યક્ત કરી શકો છો. અને તમે ફરિયાદ નોંધાવી શકો છો.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ