WhatsApp દુનિયામાં સૌથી વધુ ઉપયોગમાં લેવાતી મેસેજિંગ એપ છે. જેમાં અમુકવાર આપણે વારંવાર કોઈને મેસેજ મોકલીએ છતાં કોઈ જવાબ મળતો નથી. કૉલ્સ આવતા નથી અને પ્રોફાઇલ ફોટો જતો રહે છે. જેથી સૌથી મોટો પ્રશ્ન એ ઊભો થાય છે કે શું બીજી વ્યક્તિએ આપણને WhatsApp પર બ્લોક કર્યા છે. WhatsApp યૂઝર્સને જાણ કરતું નથી કે તેઓ બ્લોક થયા છે કે નહીં. જેમાં કંપની યૂઝર્સની પ્રાઇવેસીને સુરક્ષિત રાખવા માટે આ કરે છે. પણ અમુક સંકેતો છે જે તમને નક્કી કરવામાં મદદ કરી શકે છે કે કોઈએ તમને બ્લોક કર્યા છે કે નહીં. ચાલો આવા પાંચ સંકેતો પર જોઈએ જેમાં ખબર પડશે કે WhatsApp પર બ્લોક કરવામાં આવ્યા છે કે નહીં.
- લાસ્ટ સીન અને ઓનલાઈન સ્ટેટસ ન દેખાવું
જો તમે પહેલા કોઈનું લાસ્ટ સીન કે ઓનલાઈન સ્ટેટસ જોયું હતું પરંતુ હવે નથી જોઈ શકતા તો આ બ્લોક થયાની નિશાની હોઈ શકે છે. પણ ઘણા લોકો તેમની પ્રાઇવેસી સેટિંગ્સમાં લાસ્ટ સીન અને ઓનલાઈન સ્ટેટસ છુપાવે છે આથી આ એકલા બ્લોક થયાનો ચોક્કસ પુરાવો ગણી શકાય નહીં.
- પ્રોફાઇલ ફોટો ન દેખાય
વોટ્સએપ પર બ્લોક થયા બાદ બીજી વ્યક્તિનો પ્રોફાઇલ ફોટો દેખાવાનું બંધ થઈ શકે છે. જો ફોટો પહેલા દેખાતો હતો પણ અચાનક ગાયબ થઈ જાય તો આ પણ બ્લોક થયાની એક નિશાની હોઈ શકે છે. પણ તેનો મતલબ એ નથી કે વ્યક્તિએ તમને બ્લોક કરી દીધા છે. અમુક લોકો તેમના ફોટા ડિલીટ કરે છે જે તેમની પ્રાઇવેસી સેટિંગ્સ બદલી નાખે છે.
- મેસેજ પર માત્ર એક જ ટિક
જ્યારે તમે WhatsApp પર મેસેજ મોકલો છો ત્યારે એક ટિકનો મતલબ એ છે કે મેસેજ WhatsApp સર્વર પર પહોંચી ગયો છે. બે ટિકનો મતલબ એ છે કે મેસેજ બીજા વ્યક્તિના ફોન પર પહોંચી ગયો છે. જો તમારા બધા મેસેજ લાંબા સમય સુધી માત્ર એક જ ટિક સાથે રહે છે અને ક્યારેય બે ટિક ના થાય તો આ બ્લોક થયાની નિશાની હોઈ શકે છે. પણ આ ખરાબ ઇન્ટરનેટ કનેક્શન કે ફોન બંધ હોવા જેવી પરિસ્થિતિઓને કારણે પણ થઈ શકે છે.
- WhatsApp કૉલ કનેક્ટ ન થવો
જો તમે કોઈને WhatsApp વૉઇસ કે વીડિયો કૉલ કરો છો અને કૉલ ક્યારેય કનેક્ટ થતો નથી તો આ પણ એક બ્લોક થયાનો સંકેત હોઈ શકે છે. જ્યારે બ્લોક કરવામાં આવે છે ત્યારે કૉલ્સ કનેક્ટ થતા નથી. પણજો બીજી વ્યક્તિનું ઇન્ટરનેટ બંધ હોય તો પણ આવું થઈ શકે છે.
- ગૃપમાં એડ ના કરી શકવું
આ રીતને સૌથી મજબૂત સંકેતોમાંની એક માનવામાં આવે છે. જો તમે કોઈને નવા WhatsApp ગ્રુપમાં એડ કરવાનો પ્રયાસ કરો છો અને WhatsApp તમને આમ કરતા અટકાવે છે કે એરર બતાવે છે તો શકયતા છે કે તે વ્યક્તિએ તમને બ્લોક કર્યા છે.
બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ
