ઓટો / મારુતિ સુઝુકીની ફેમસ SUV બ્રેઝા આવશે માર્કેટમાં, નવા અપડેટ સાથે કિંમત વધશે

મારુતિ સુઝુકી ટૂંક સમયમાં તેની લોકપ્રિય કોમ્પેક્ટ SUV બ્રેઝાનું ફેસલિફ્ટેડ વર્ઝન લોન્ચ કરશે. લોન્ચ થયા બાદ બ્રેઝાનું આ પહેલું મોટું અપડેટ હશે. રિપોર્ટ મુજબ નવી બ્રેઝામાં પહેલી વાર ટર્બો-પેટ્રોલ એન્જિન આવી શકે છે. આ સિવાય એક્સ્ટર્નલ, ઇન્ટિરિયર અને સુવિધાઓમાં મોટા ફેરફારો જોવા મળશે. જો તમે નવી બ્રેઝા લેવાનું વિચારી રહ્યા છો તો ફેસલિફ્ટની રાહ જોવી એ પ્રોફિટનો સોદો સાબિત થઈ શકે છે.

• નવું ટર્બો-પેટ્રોલ એન્જિન
  

રિપોર્ટ મુજબ નવી બ્રેઝા ફેસલિફ્ટમાં પહેલી વાર 1.0-લિટર, 3-સિલિન્ડર ટર્બો-પેટ્રોલ એન્જિન આવી શકે છે. આ એન્જિન લગભગ 98.6 hp પાવર અને 147.6 Nm ટોર્ક જનરેટ કરે તેવી શક્યતા છે. તેને 6-સ્પીડ મેન્યુઅલ ગિયરબોક્સ સાથે કનેક્ટ કરવામાં આવે તેવી શક્યતા છે. જેમાં હાલનું 1.5-લિટર નેચરલી એસ્પિરેટેડ પેટ્રોલ એન્જિન લાઇનઅપમાં રહેશે. આ એન્જિન 103 hp અને 137 Nm ટોર્ક પેદા કરે છે અને 5-સ્પીડ મેન્યુઅલ ગિયરબોક્સ સાથે આવે છે. જેમાં કંપની ફેક્ટરી-ફિટેડ અંડરબોડી CNG ટાંકી પણ ઓફર કરી શકે છે. તેનાથી ટ્રંકમાં CNG સિલિન્ડર સ્ટોર કરવાની જરૂરિયાત દૂર થશે.

• ઇન્ટિરિયર અને ફીચર્સમાં ફેરફારો

નવી બ્રેઝાના કેબિનને વધુ પ્રીમિયમ બનાવી શકાય છે. તેમાં વાયરલેસ એન્ડ્રોઇડ ઓટો અને એપલ કારપ્લે સપોર્ટ સાથે મોટી 10.1-ઇંચ ટચસ્ક્રીન ઇન્ફોટેનમેન્ટ સિસ્ટમ હોવાની શક્યતા છે. જેમાં નવી ડેશબોર્ડ ડિઝાઇન, સુધારેલી સીટ અપહોલ્સ્ટરી અને નવી ઇન્ટર્નલ ફિનિશ પણ આવી છે. જેમાં સૌથી મોટું અપડેટ લેવલ-2 ADAS (એડવાન્સ્ડ ડ્રાઇવર આસિસ્ટન્સ સિસ્ટમ) આવી શકે છે જે અત્યારની બ્રેઝામાં નથી.

• એક્સ્ટીરિયરમાં શું બદલાશે?
  નવી બ્રેઝા ફેસલિફ્ટની એક્સ્ટીરિયર ડિઝાઇનમાં પણ ઘણા ફેરફારો જોવા મળી શકે છે. તેમાં નવી ફ્રન્ટ ગ્રિલ, નવી ફ્રન્ટ બમ્પર, અપડેટેડ ફોગ લેમ્પ હાઉસિંગ, સિલ્વર ફિનિશ સાથે મોટી સ્કિડ પ્લેટ અને નવા એલોય વ્હીલ્સ આવી શકે છે. પણ SUVનું પ્લેટફોર્મ અને સાઈઝ પહેલા જેવી જ રહેશે. મતલબ કે તે મિડ-લાઇફ ફેસલિફ્ટ અપડેટ હશે.
  

વધુ વાંચો :ક્રેટા સિઆરાને ટક્કર આપવા આવી આ કાર, સામે આવ્યો લુક, જોતા જ ખરીદી લેશો!

• ક્યારે થશે લોન્ચ અને કિંમત કેટલી?

રિપોર્ટ મુજબ મારુતિ બ્રેઝા ફેસલિફ્ટ જુલાઈ 2026 ની આસપાસ લોન્ચ થઈ શકે છે. આ અપડેટ 2027 સુધીમાં બ્રેઝા, ફ્રોન્ક્સ અને ગ્રાન્ડ વિટારાને અપડેટ કરવાની મારુતિ સુઝુકીની સ્ટ્રેટેજીનો એક હિસ્સો હોવાનું માનવામાં આવે છે. અત્યારે બ્રેઝાની એક્સ-શોરૂમ કિંમત 8.26 લાખ રૂપિયાથી શરૂ થાય છે અને 14.04 લાખ રૂપિયા સુધી જાય છે. નવા ટર્બોચાર્જ્ડ એન્જિન, ADAS અને એક્સ્ટ્રા ફીચર્સ હોવાને કારણે ફેસલિફ્ટેડ મોડેલની કિંમત વર્તમાન મોડેલ કરતા થોડી વધારે હોઈ શકે છે. પરંતુ કંપનીએ હજુ સુધી તેની ઑફિશિયલ કિંમત કે લોન્ચ ડેટ કન્ફર્મ નથી કરી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ