Election 2024 / 'કોંગ્રેસને વોટ દેવાથી ફાયદો નથી', પદ્મિનીબાનો હવે મોહભંગ, સંકલન સમિતિ પર કાઢ્યો બળાપો

પદ્મિનીબા વાળા, ક્ષત્રિયોના રૂપાલા વિરુદ્ધના આંદોલનમાં ખુબ ચર્ચામાં રહ્યાં. પરંતુ હવે તે જ પદ્મિનીબા વાળા રાજપૂતોના આંદોલન પાર્ટ-2ના વિરોધમાં ઉતર્યા છે અને રાહુલ ગાંધીને હથિયાર બનાવી રાજપૂતોની સંકલન સમિતિ પર જ સવાલો ઉઠાવી બંગડીઓ પહેરાવવાની વાતો કરી રહ્યા છે.

પદ્મિનીબાનો હવે મોહભંગ!

પરશોતમ રૂપાલાના નિવેદનના વિરોધમાં 14 દિવસ સુધી અન્નત્યાગ કરનાર પદ્મિનીબા વાળાએ હવે ક્ષત્રિય સમાજ માટે આંદોલન કરતી સંકલન સમિતિથી છેડો ફાડ્યો છે. એક સમયે પરશોતમ રૂપાલા પર આકરા પ્રહાર કરનારા પદ્મિનીબાએ હવે પ્રધાનમંત્રી મોદીના વખાણ કરવા લાગ્યા છે. એવું લાગે છે કે, બાને સંકલન સમિતિથી દૂર રાખવાની આ ભડાશ કાઢી રહ્યા છે. જોકે અહીં બાએ છટકબારી શોધવા રાહુલ ગાંધીનો મુદ્દો ઉઠાવ્યો છે.

વાંચવા જેવું: લિપસ્ટીક, બંગડી, પાણીપુરીથી ધાનાણીના કટાક્ષ, ચૂંટણીમાં પહેલી વખત જનતાને સ્પર્શતો મુદ્દો ગુંજ્યો!

આંદોલનનો તોડિપાડવાના કારસા ?

રાહુલ ગાંધીના નિવેદન પર નારાજગી હોય તો વાત વ્યાજબી ગણાય પરંતુ અહીં તો બાએ રાજપૂતોની સંકલન સમિતિના સભ્યોને બંગળીઓ પહેરાવવા સુધીની વાત કરી નાખી છે. જે કહો તે પરંતુ એક વાત તો નક્કી છે કે, બા હવે પક્ષ પલટો કરી ચૂક્યા છે. ક્ષત્રિયોની વાતો કરનારા બા હવે ભાજપની વાતો કરી રહ્યા છે. તેવામાં સવાલ એ થાય છે કે, શું ક્ષત્રિયોન આંદોલનનો તોડિપાડવાના કારસા થઈ રહ્યા છે..? કે પછી પદ્મિનીબા ચર્ચામાં રહેવા માટે આવું કહી રહ્યાં છે.