સ્કીન કેર / સ્કીનમાં ગમે તેવી સમસ્યા હશે છુટકારો અપાવશે આ ઘરે બનાવેલો લીમડાનો ફેસ પેક

• લીમડાનો ઉપયોગ તમને ક્લીયર અને ગ્લોઇંગ સ્કિન આપવામાં મદદ કરે છે
• 2 વખત લીમડાના પાણીથી ચહેરો ધોવાથી ડ્રાઇ સ્કીન જલ્દીથી દૂર થશે
• ખીલ, પિંપલ્સ અને ડાઘ ધબ્બાની સમસ્યા દૂર કરવા માટે તમે લીમડાનો ઉપયોગ કરી શકો છો

ઔષધીય ગુણોથી ભરપૂર લીમડાનો ઉપયોગ સ્વાસ્થ્ય માટે વરદાન રૂપ છે પરંતુ આજે અમે તમને લીમડાના બ્યૂટી બેનિફિટ્સ જણાવવા જઇ રહ્યા છીએ. 

પિંપલ્સ
ખીલ, પિંપલ્સ અને ડાઘ ધબ્બાની સમસ્યા દૂર કરવા માટે તમે લીમડાનો ઉપયોગ કરી શકો છો. એના માટે લીમડાના પાનને પીસીને ચહેરા પર 10 15 મીનિટ સુધી લગાવી રાખો અને પછી પાણીથી ધોઇ નાંખો. સપ્તાહમાં 2 થી 3 વખત ઉપયોગ કરવા પર પિંપ્લસ જેવી સમસ્યાઓથી છુટકારો મળશે. 

એન્ટી એજિંગ સમસ્યાઓ
લીમડાના પાનની પેસ્ટ બનાવીને એમા હળદર મિક્સ કરો. એને ચહેરા પર 10-15 મીનિટ લગાવીને સૂકવી દો. પછી પાણીથી ચહેરો ધોઇ નાંખો. સપ્તાહમાં બે વખત નિયમિત રૂપથી એનો ઉપયોગ કરો. એનાથી વધતી ઉંમરની સમસ્યાઓથી બચી શકાશે. 

ગ્લોઇંગ સ્કિન
લીમડાનો પાઉડર અને ચંદન પાઉડર અને ગુલાબજળના થોડા ટિપા મિક્સ કરીને ચહેરા પર 15 મીનિટ લગાવો અને નવશેકા પાણીથી સાફ કરી લો. તમે ઇચ્છો તો ગુલાબજળની જગ્યાએ એલોવેરા વોટર પણ મિક્સ કરી શકો છો. 

READ ALSO: શું છે મહિલાઓને સતાવતી પીસીઓડી સમસ્યા, તેનાથી કેવી રીતે બચી શકાય?

સારું ટોનર 
લીમડાના પાન પાણીમાં સારી રીતે ઉકાળી લો. જ્યારે પાણી અડધું થઇ જાય તો એને ઠંડું થવા માટે રાખી દો. હવે એને બોટલમાં સ્ટોર કરો અને જરૂર પડવા પર ટોનરની જેમ યૂઝ કરો. 

ડ્રાઇ સ્કીન
ડ્રાય સ્કીન માટે લીમડો સૌથી સારો ઉપાય છે. એના માટે દરરોજ દિવસમાં 2 વખત લીમડાના પાણીથી ચહેરો ધોવો. આ ઉપરાંત લીમડાના પાનમાં મઘ મિક્સ કરીને લગાવો. એનાથી તમારી સ્કીન ડ્રાય રહેશે નહીં. 

READ ALSO:  એલોવેરાનો આવી રીતે ઉપયોગ કરવાથી ચહેરા પરના ચાઠાથી મળશે છુટકારો

કરચલી
વધતી ઉંમરની સાથે કરચલી અને ફાઇન લાઇન્સની સમસ્યા થવી સામાન્ય વાત છે પરંતુ ખોટી લાઇફસ્ટાઇલના કારણે નાની ઉંમરમાં પણ પરેશાની જોવા મળે છે. એના માટે 1/2 કપ ઓટમીલ, 1 ટેબલસ્પૂન કાચુ દૂધ, 1 ટીસ્પૂન મધ, 2 ટીસ્પૂન લીમડાની પેસ્ટને બ્લેન્ડ કરો. પછી એને હળવા હાથથી સ્ક્રબ કરો અને 20 મીનિટ બાદ ચહેરાને ચોખ્ખા પાણીથી સાફ કરો.