નિર્ણય / મકાન તોડતા પહેલાં 7 દિવસ અગાઉ લેખિત જાણ કરવી પડશે, બીજું શું શું કરવું પડશે? AMCની નવી પોલિસી

અમદાવાદમાં ‘અમદાવાદ સસ્ટેનેબલ ડિમોલિશન પોલિસી-2026’ લાગુ પાડવામાં આવી છે. આ પોલિસી હેઠળ મકાન તોડતા પહેલાં AMCને 7 દિવસ અગાઉ લેખિત જાણ કરવી પડશે. ડિમોલિશન સાઇટને બાંધકામના કદ અને ઊંચાઈના આધારે 5 કેટેગરીમાં વહેંચવામાં આવી છે. મોટી સાઇટ પર સ્ટ્રક્ચરલ એન્જિનિયરની દેખરેખ ફરજિયાત બનાવાઈ છે.

કાટમાળ 48 કલાકમાં હટાવવો પડશે

ડિમોલિશન દરમિયાન ધૂળનું પ્રદૂષણ અટકાવવા ખાસ વ્યવસ્થા કરવી પડશે. સાઇટ પર ડસ્ટ બેરિયર, ગ્રીન નેટ અને વોટર સ્પ્રિંકલિંગ ફરજિયાત બનાવાઈ છે. તોડકામ દરમિયાન આસપાસની મિલકતોની સુરક્ષાની જવાબદારી તોડનારની રહેશે. કામદારો માટે હેલ્મેટ, સેફ્ટી શૂઝ અને સુરક્ષા સાધનો ફરજિયાત છે. ડિમોલિશનથી નીકળતો કાટમાળ 48 કલાકમાં હટાવવો પડશે.

વધુ વાંચો : પશુપાલકો આનંદો! પશુ વીમા કવચ આપવાનો ગુજરાત સરકારનો નિર્ણય, જાણો કેટલું મળશે?

15 ટકા વેસ્ટનો ફરી ઉપયોગ

બાંધકામમાં ઓછામાં ઓછો 15 ટકા C&D વેસ્ટનો પુનઃઉપયોગ કરવો પડશે. નિયમોનું ઉલ્લંઘન થશે તો દંડ થશે અને કામગીરી પણ બંધ કરી દેવામાં આવશે. કોંક્રિટ, લોખંડ, લાકડું, પ્લાસ્ટિક સહિતની સામગ્રીનું અલગ વર્ગીકરણ ફરજિયાત બનાવાયું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ