દિવાળી 2026 / પૂજાપાની સામગ્રી-શણગારની વસ્તુઓમાં 40% સુધીનો ભાવવધારો, ₹60નો હાર ₹150માં મળતાં ગ્રાહકોની ખરીદી ઘટી

દિવાળીના પર્વને હવે ગણતરીના બે દિવસ બાકી રહ્યા છે, ત્યારે બે દિવસ બાદ ધનતેરસના પર્વ સાથે જ તહેવારોની ખરીદીનો માહોલ જામશે તેવી આશા વેપારીઓ રાખી રહ્યા છે. જોકે, આ વર્ષે પૂજાપા અને ભગવાનના શણગારની વસ્તુઓમાં 40 ટકા સુધીનો ભાવ વધારો થતાં બજારમાં મંદીનો માહોલ જોવા મળી રહ્યો છે. મોંઘવારીના માર વચ્ચે ગ્રાહકો ખરીદીમાં કાપ મૂકી રહ્યા છે.

તો બીજી તરફ વેપારીઓ ગ્રાહકોની રાહ જોઈને નવરા બેઠા છે. ભગવાનને ચડાવવામાં આવતા હારથી લઈને વાઘા અને શણગારની વસ્તુઓ મોંઘી થતાં તહેવારની ઉજવણી પણ હવે મોંઘી બની છે. ત્યારે શું છે બજારની સ્થિતિ અને ભાવ વધારાની ગ્રાહકો પર કેવી અસર પડી છે, જોઈએ આ વિશેષ અહેવાલ...

દિવાળીના પર્વને હવે માત્ર બે દિવસ બાકી રહ્યા છે, ત્યારે બજારમાં તહેવારની તૈયારીઓ શરૂ થઈ ગઈ છે. બે દિવસ બાદ ધનતેરસના પર્વની ઉજવણી થશે. ધનતેરસથી દિવાળીના તહેવારો દરમિયાન ભગવાનની પૂજા-અર્ચના અને શણગાર માટે પૂજાપાની વસ્તુઓની ખરીદીનું વિશેષ મહત્વ હોય છે. જોકે, આ વર્ષે પૂજાપાના સામાન અને ભગવાનના શણગારની વસ્તુઓમાં અંદાજે 40 ટકા સુધીનો ભાવ વધારો થતાં બજારમાં તેની સીધી અસર જોવા મળી રહી છે.

દિવાળીના પર્વમાં સામાન્ય રીતે પૂજાપાની દુકાનોમાં ગ્રાહકોની ભારે ભીડ જોવા મળતી હોય છે, પરંતુ આ વર્ષે ભાવ વધારાને કારણે વેપારીઓ ગ્રાહકોની રાહ જોઈને નવરા બેઠા છે. વેપારીઓના જણાવ્યા મુજબ, બજારમાં ભાવ વધારો થતાં ગ્રાહકો ખરીદીમાં કાપ મૂકી રહ્યા છે. જે ગ્રાહકો ખરીદી માટે આવી રહ્યા છે, તેઓ પણ જરૂરી વસ્તુઓની જ ખરીદી કરી રહ્યા છે. મોંઘવારીના કારણે બજારમાં ખરીદીનો ઉત્સાહ ઓછો જોવા મળી રહ્યો છે.

બીજી તરફ, ગ્રાહકો પણ ભાવ વધારાથી પરેશાન છે. ભગવાનને ચડાવવામાં આવતા હારના ભાવમાં મોટો વધારો થયો છે. અગાઉ જે હાર 60 રૂપિયામાં મળતો હતો, તેનો ભાવ વધીને હવે 150 રૂપિયા સુધી પહોંચી ગયો છે. એટલે કે હારની ખરીદીમાં પણ ગ્રાહકોને ખિસ્સા પર વધુ ભાર સહન કરવો પડી રહ્યો છે.

માત્ર હાર જ નહીં, પરંતુ ભગવાનના વાઘાના ભાવમાં પણ વધારો થયો છે. અગાઉ 60 રૂપિયામાં મળતા ભગવાનના વાઘા હવે 120 રૂપિયામાં મળી રહ્યા છે. ભગવાનના શણગારની અન્ય વસ્તુઓમાં પણ ભાવ વધારો થતાં ગ્રાહકોમાં નારાજગી જોવા મળી રહી છે.દિવાળી જેવા મોટા તહેવારમાં ભગવાનની પૂજા અને શણગાર માટે જરૂરી વસ્તુઓની ખરીદી કરવી પણ હવે મોંઘી બની છે. એક તરફ મોંઘવારીના કારણે ગ્રાહકોનું બજેટ ખોરવાયું છે, તો બીજી તરફ ખરીદીમાં ઘટાડો થતાં વેપારીઓની ચિંતામાં પણ વધારો થયો છે.

ધનતેરસ અને દિવાળીના પર્વમાં બજારમાં ખરીદી વધશે તેવી વેપારીઓને આશા છે, પરંતુ હાલ તો પૂજાપાના સામાન અને ભગવાનના શણગારની વસ્તુઓમાં ભાવ વધારાની અસર બજાર પર સ્પષ્ટ જોવા મળી રહી છે.

દિવાળીના પર્વને હવે ગણતરીના દિવસો બાકી છે અને ધનતેરસના આગમનની તૈયારીઓ ચાલી રહી છે, ત્યારે આ વર્ષે બજારમાં ઉત્સાહના બદલે ચિંતા અને મંદીનો માહોલ છવાયો છે. પૂજાપાની સામગ્રી અને ભગવાનના શણગારની વસ્તુઓમાં આ વર્ષે અંદાજે 40 ટકા સુધીનો મોટો ભાવ વધારો થતાં ગ્રાહકોનું બજેટ સંપૂર્ણપણે ખોરવાઈ ગયું છે.

આ પણ વાંચોઃ દિવાળીની ખરીદી વચ્ચે ₹10, ₹20 અને ₹50ની નોટો બંધ થવાની અફવા! RBIના લોગો અને ગવર્નરની સહીવાળો નકલી પરિપત્ર વાઇરલ

ક્યારેક 60 રૂપિયામાં મળતો ભગવાનનો હાર હવે 150 રૂપિયા અને વાઘા 120 રૂપિયા સુધી પહોંચી જવાથી સામાન્ય લોકો માટે તહેવારની ઉજવણી મોંઘી બની છે. પરિણામે, ગ્રાહકો ખરીદીમાં કાપ મૂકી રહ્યા છે અને હંમેશાં ગ્રાહકોથી ધમધમતી દુકાનોમાં વેપારીઓ ગ્રાહકોની રાહ જોઈને નવરા બેસવા મજબૂર બન્યા છે. મોંઘવારીના આ ભારે માર વચ્ચે આશા અને નિરાશા વચ્ચે ઘેરાયેલું આ બજાર દિવાળીના તહેવાર પર કેવી અસર પાડે છે, તે જોવું રહ્યું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ