મોટો નિર્ણય / જો તમે રાજનેતા છો તો તમારુ ચામડુ મગર જેવું હોવું જોઇએ, સુપ્રીમ કોર્ટે ભાજપની અરજી પર કરી ટિપ્પણી

તેલંગાણાના રાજકારણમાં ફરી એકવખત ગરમાવો આવ્યો છે. જી હાં સુપ્રિમ કોર્ટે રાજનીતિને લઈને એક મોટો નિર્ણય આપ્યો છે. સુપ્રીમ કોર્ટે સ્પષ્ટ શબ્દોમાં જણાવ્યું છે કે કોર્ટને રાજકીય રણક્ષેત્ર તરીકે વાપરી શકાશે નહીં. તેલંગાણા BJP નેતા દ્વારા દાખલ કરાયેલી અરજી પર સુનાવણી દરમિયાન ચીફ જસ્ટિસ બી.આર. ગવઈએ કહ્યું, જો તમે રાજનેતા છો તો તમારી ચામડી જાડી હોવી જોઈએ.

શું છે મામલો?

તેલંગાણા CM રેવંત રેડ્ડીએ 2024ની લોકસભા ચુંટણી પ્રચાર દરમિયાન એક નિવેદન આપ્યું હતું કે જો BJP 400 સીટ જીતે તો SC, ST અને OBC માટેનું રિઝર્વેશન ખતમ કરી દેશે. આ નિવેદનને આધાર બનાવીને BJPના રાજ્ય મહામંત્રી કે. વેંકટેશ્વરલૂએ તેમના પર માનહાનિની અરજી દાખલ કરી હતી. પરંતુ ઓગસ્ટમાં તેલંગાણા હાઈકોર્ટએ આ અરજી ફગાવી દીધી હતી અને કહ્યું હતું કે આ નિવેદન પાર્ટી વિરુદ્ધ છે, કોઈ વ્યક્તિગત વિરુદ્ધ નહીં. તેથી વ્યક્તિગત સભ્ય પોતાને પીડિત કહી શકતો નથી.

સુપ્રીમ કોર્ટનું અવલોકન

હાઈકોર્ટના આદેશ સામે BJPએ સુપ્રીમ કોર્ટમાં અરજી કરી હતી, પરંતુ સુપ્રીમ કોર્ટએ પણ તે ફગાવી દીધી.

ચીફ જસ્ટિસે કહ્યું,

અમે વારંવાર કહી રહ્યા છીએ કે આ અદાલત રાજકીય ઝઘડાઓ માટે નથી.

જો તમે રાજકારણી છો તો ટીકા સહન કરવાની ક્ષમતા હોવી જોઈએ.

વધુ વાંચો : VIDEO : તમારા છોકરાને સનરૂફમાંથી બહાર કાઢો તો ચેતજો! તોતિંગ રેલિંગ સાથે માથું ટકરાતાં છોકરાની હાલત જુઓ

રેવંત રેડ્ડીના વકીલનું કહેવુ

રેવંત રેડ્ડી તરફથી સિનિયર એડવોકેટ અભિષેક મનુ સિંઘવીએ દલીલ કરી કે જો આ માનહાનિ છે, તો તે માત્ર રાજકીય ચર્ચાનો વિષય બની શકે નહીં. કોર્ટએ આ દલીલ માન્ય રાખી અને અરજી પર વધુ વિચાર કરવા ઇનકાર કર્યો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ