નેશનલ / IMFએ સ્વીકારી ભારતની તાકાત! GDP ગ્રોથના અનુમાનમાં કર્યો મોટો વધારો, જાણો કેટલો

IMF On India GDP: ભારત વિશ્વની સૌથી ઝડપથી વિકસતી અર્થવ્યવસ્થાઓમાંની એક છે, અને આ ગતિ ચાલુ રહેવાની છે. આઇએમએફએ ટ્રમ્પના ટેરિફ તણાવ વચ્ચે ભારતના જીડીપી ગ્રોથ દરનો અંદાજ વધારીને સારા સમાચાર આપ્યા છે.

અમેરિકાના રાષ્ટ્રપતિ ગમે તેટલા ટેરિફ બોમ્બ ફેંકે પરંતુ ભારત રોકાય તેમ નથી. આ આપણે નહી પરંતુ આંતરરાષ્ટ્રીય મુદ્રા કોષ એટલે (IMF)એ એકવાર ફરી ભારતને લોહા માન્યુ અને તેના તાજેતરના આઉટલુક રિપોર્ટમાં જીડીપી વૃદ્ધિ દરનો અંદાજ વધાર્યો છે. આઇએમએફએ નાણાકીય વર્ષ 2025-26 માટે ભારતના જીડીપી ગ્રોથનો અંદાજ 70 બેસિસ પોઇન્ટ વધારીને 7.3 ટકા કર્યો છે.

ત્રીજા ક્વાર્ટરના પરિણામો ઉત્સાહ લાવે છે

ભારતની ત્રીજા ક્વાર્ટરની જીડીપી ગ્રોથ રફ્તારને જોતા IMF એ ફરીથી ભારતમાં વિશ્વાસ વ્યક્ત કર્યો છે, તેના અગાઉના જીડીપી ગ્રોથનો અંદાજ સુધાર્યો છે. વૈશ્વિક સંસ્થાએ હવે FY2025-26 માટે ભારતના જીડીપી ગ્રોથનો અંદાજ 0.7 ટકા વધારીને 7.3 ટકા કર્યો છે. રિપોર્ટમાં જણાવાયું છે કે Q3 માં અપેક્ષા કરતાં વધુ સારા પરિણામો અને ચોથા ક્વાર્ટરમાં મજબૂત નજર આવી રહ્યા છે. જોકે સાઇક્લિકલ અને કામચલાઉ પરિબળોને ઘટાડીને 2026 અને 2027 માં વિકાસ દર 6.4 ટકા રહેવાનો અંદાજ છે.

ભારતીય અર્થતંત્ર સૌથી ઝડપી રહેશે

અન્ય દેશોની તુલનામાં ભારતના જીડીપી ગ્રોથ આ વધારો સૂચવે છે કે ભારત વિશ્વની સૌથી ઝડપથી વિકસતી અર્થવ્યવસ્થાઓની યાદીમાં ટોચ પર રહેશે. નાણાકીય વર્ષ 2025-26 માટે ચીનનો જીડીપી ગ્રોથ 5 ટકા રહેવાનો અંદાજ છે, જ્યારે તે 2026 માં 4.5 ટકા અને 2027 માં 4 ટકા થવાનો અંદાજ છે.

આ પણ વાંચોઃ નીતિન નબીને ભાજપ અધ્યક્ષ માટે નામાંકન દાખલ કર્યું, -શાહ-ગડકરી-રાજનાથ રહ્યાં હાજર

વિશ્વ બેંકે પણ તેનો અંદાજ વધાર્યો

આઇએમએફ પહેલા વિશ્વ બેંકે ભારતીય અર્થતંત્રમાં પોતાનો વિશ્વાસ જાળવી રાખ્યો હતો, ભારત માટે તેનો જીડીપી ગ્રોથ(વર્લ્ડ બેંક રાઇઝ ઇન્ડિયાનો GDP વૃદ્ધિ દર આગાહી) વધારીને 7.2 ટકા કર્યો હતો, જે જૂન 2025 માં અગાઉ અંદાજવામાં આવેલા 6.3 ટકાથી વધુ હતો. વિશ્વ બેંકે આ અંદાજને 90 બેસિસ પોઇન્ટ વધારીને તેના અહેવાલમાં જણાવ્યું હતું કે સૌથી ઝડપથી વિકસતી ભારતીય અર્થવ્યવસ્થા પર યુએસ ટેરિફની અસર મર્યાદિત રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ