મહારાષ્ટ્ર / નગર નિગમ ચૂંટણીમાં મહાયુતિએ પ્રચંડ વિજય મેળવ્યો, PM મોદીએ આપ્યા અભિનંદન

Maharashtra Civic Poll: મહારાષ્ટ્રની નગર પરિષદો અને નગરપાલિકાઓની ચુંટણીના પરિણામો આજે જાહેર થયા છે. ભાજપ સમર્થિત મહાયુતિ ગઠબંધને આ ચૂંટણીઓમાં જંગી જીત મેળવી છે. પીએમ મોદીએ આ જીત પર રાજ્યના લોકોને અભિનંદન આપ્યા છે.

ભાજપ સમર્થિત મહાયુતિ ગઠબંધને મહારાષ્ટ્ર નગર પરિષદો અને નગરપાલિકાઓની ચૂંટણીમાં જંગી જીત મેળવી છે. રવિવારે જાહેર થયેલા 288 બેઠકોના પરિણામોમાં મહાયુતિએ 215 બેઠકો જીતી છે. પીએમ મોદીએ આ જીત માટે મહારાષ્ટ્રના લોકોને અભિનંદન આપ્યા છે. પીએમ મોદીએ એક્સ પર લખ્યું છે કે આ લોકો પર આધારિત વિકાસના અમારા વિજનમાં ભરોસો દેખાડ્યો છે.

પીએમ મોદીએ પ્રશંસા કરી

આ પહેલા મુખ્યમંત્રી દેવેન્દ્ર ફડણવીસના ટ્વીટ (હવે એક્સ)ને રીટ્વીટ કરતા પીએમ મોદીએ લખ્યું, "મહારાષ્ટ્ર વિકાસ સાથે મજબૂત રીતે ઉભું છે! હું મહારાષ્ટ્રના લોકોનો નગર પરિષદ અને નગર પંચાયત ચૂંટણીમાં ભાજપ અને મહાયુતિને આશીર્વાદ આપવા બદલ આભારી છું." આ જન કેન્દ્રિત વિકાસના અમારા વિઝનમાં લોકોના વિશ્વાસને પ્રતિબિંબિત કરે છે. રાજ્યભરના દરેક નાગરિકની આકાંક્ષાઓ પૂર્ણ કરવા માટે અમે નવી ઉર્જા સાથે કામ કરવા માટે પ્રતિબદ્ધ છીએ. હું ભાજપ અને મહાયુતિના તમામ કાર્યકરોની પ્રશંસા કરું છું જેમણે પાયાના સ્તરે સખત મહેનત કરી છે.

ફડણવીસે આભાર વ્યક્ત કર્યો

મુખ્યમંત્રી દેવેન્દ્ર ફડણવીસે મહારાષ્ટ્રમાં નગર પરિષદ અને નગર પંચાયતની ચૂંટણીમાં ભાજપ અને મહાયુતિના પ્રચંડ વિજય બદલ લોકોનો આભાર માન્યો. તેમણે કહ્યું કે આ વિજય પાર્ટીના સમર્પિત કાર્યકરોની મહેનત, પ્રતિબદ્ધતા અને સતત પ્રયાસોનું પરિણામ છે. ફડણવીસે તેને ઐતિહાસિક જનાદેશ ગણાવ્યો અને કહ્યું કે જનતાએ ફરી એકવાર વિકાસની રાજનીતિમાં વિશ્વાસ વ્યક્ત કર્યો છે.

ફડણવીસે આ સફળતાનો શ્રેય વડા પ્રધાન નરેન્દ્ર મોદીના નેતૃત્વ, ભાજપના રાષ્ટ્રીય અધ્યક્ષ જેપી નડ્ડા અને રાષ્ટ્રીય કાર્યકારી અધ્યક્ષ નીતિન નબીનના માર્ગદર્શનને આપ્યો. તેમણે મહારાષ્ટ્ર ભાજપ અધ્યક્ષ રવિન્દ્ર ચવ્હાણને પણ અભિનંદન આપતા કહ્યું કે તેમના નેતૃત્વ હેઠળ આ પહેલી ચૂંટણી હતી જેમાં પાર્ટીએ અસાધારણ રીતે સારું પ્રદર્શન કર્યું.

આ પણ વાંચોઃમુંબઈમાં 24 મૂક-બધિર મહિલાઓ સાથે દુષ્કર્મ, રેપિસ્ટ અશ્લીલ વીડિયો બનાવી યુવતીઓને ન્યૂડ કોલ કરતો

વિપક્ષની આ સ્થિતિ

કોંગ્રેસે 34 બેઠકો જીતી, શિવસેના (UBT) એ 8 બેઠકો જીતી, શરદ પવારની પાર્ટી NCP (SP) એ 7 બેઠકો જીતી, જ્યારે અન્યએ 7 બેઠકો જીતી. રાજ્યમાં 246 મ્યુનિસિપલ કાઉન્સિલો અને 42 નગર પંચાયતોમાં અધ્યક્ષ અને કાઉન્સિલરોના પદ માટે મત ગણતરી રવિવારે સવારે 10 વાગ્યે શરૂ થઈ હતી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ