હડકંપ / ''D કંપનીમાંથી મેઈલ આવ્યો...'', દિગ્ગજ નેતાને અપાઈ જાનથી મારી નાખવાની ધમકી

D Company Mumbai: રાષ્ટ્રવાદી કોંગ્રેસ પાર્ટીના નેતા ઝીશાન સિદ્દીકીને ફરી એકવાર જાનથી મારી નાખવાની ધમકી મળી છે. ઉલ્લેખનીય છે કે તેમના પિતા બાબા સિદ્દીકીની પણ ગોળી મારીને હત્યા કરવામાં આવી હતી. પોલીસ હાલમાં તપાસ કરી રહી છે.

રાષ્ટ્રવાદી કોંગ્રેસ પાર્ટીના નેતા ઝીશાન સિદ્દીકીને જાનથી મારી નાખવાની ધમકી મળી છે. તેમનો દાવો છે કે આ ધમકી ફોન દ્વારા આપવામાં આવી હતી. એનસીપી નેતાએ પોલીસ ફરિયાદ નોંધાવી છે. તેમણે એમ પણ કહ્યું કે મુખ્યમંત્રી દેવેન્દ્ર ફડણવીસને જાણ કરવામાં આવી છે. જોકે આ પહેલી વાર નથી જ્યારે તેમને આવી ધમકી મળી હોય. ઉલ્લેખનીય છે કે, તેમના પિતા બાબા સિદ્દીકીની 2024 માં ગોળી મારીને હત્યા કરવામાં આવી હતી.

એક ન્યૂઝ એજન્સી સાથે વાત કરતા ઝીશાને કહ્યું, "મેં મુંબઈ પોલીસ કમિશનર અને મહારાષ્ટ્રના મુખ્યમંત્રી દેવેન્દ્ર ફડણવીસને આ કોલ વિશે જાણ કરી છે."

ઇમેઇલ દ્વારા ધમકી મળી હતી

ઝીશાનને ગયા વર્ષે 22 એપ્રિલે પણ એક ઇમેઇલ મળ્યો હતો. એજન્સી અનુસાર પોલીસનું કહેવું છે કે ઇમેઇલમાં તેના પિતાની જેમ જ ઝીશાનને પણ મારી નાખવાની ધમકી આપવામાં આવી હતી અને બદલામાં 10 કરોડની માંગણી કરવામાં આવી હતી. અધિકારીઓએ જણાવ્યું કે મોકલનારાઓએ દર છ કલાકે આવા જ ઇમેઇલ મોકલવાની ચેતવણી પણ આપી હતી.

ઝીશાને ત્યારે આરોપ લગાવ્યો હતો કે આ ઇમેઇલ ડી-કંપની દ્વારા મોકલવામાં આવ્યો હતો. તેણે કહ્યું, "મને ડી-કંપની તરફથી એક ઇમેઇલ મળ્યો. તેમણે ₹10 કરોડની ખંડણી માંગી છે. પોલીસે વિગતો લીધી છે અને નિવેદનો નોંધ્યા છે. આનાથી પરિવાર પરેશાન છે."

ગેંગસ્ટર ઝીશાન અખ્તર તરફથી ધમકી

ઓગસ્ટમાં ઝીશાનને બાબા સિદ્દીકીની હત્યાનું કાવતરું ઘડવાનો આરોપ લગાવતા ફરાર ગેંગસ્ટર ઝીશાન અખ્તર તરફથી જાનથી મારી નાખવાની ધમકી મળી હતી. કહેવાય છે કે અખ્તરે સોશિયલ મીડિયા પર એક વોઇસ નોટ દ્વારા આ ધમકી આપી હતી. કથિત ઓડિયો સંદેશમાં તેણે બાબા સિદ્દીકીની હત્યાની જવાબદારી સ્વીકારી હતી અને ઝીશાન સિદ્દીકીને તેની પ્રવૃત્તિઓમાં દખલ ન કરવા ચેતવણી આપી હતી.

આ પણ વાંચોઃ સરકાર આપી રહી છે ₹90000 ગેરન્ટી ફ્રી લોન...ક્રેડિટ કાર્ડ પણ મળશે, ફક્ત આઘાર કાર્ડ પર લોન

ઝીશાન અખ્તર કોણ છે?

બાબા સિદ્દીકી હત્યા કેસમાં અખ્તર મુખ્ય આરોપીઓમાંનો એક છે અને મુંબઈ ક્રાઈમ બ્રાન્ચ અને અન્ય તપાસ એજન્સીઓ દ્વારા તેની શોધ કરવામાં આવી રહી છે. મુંબઈ ક્રાઈમ બ્રાન્ચે વાયરલ ઓડિયો ક્લિપની સત્યતા ચકાસવા અને તેના સ્ત્રોતને શોધવા માટે ટેકનિકલ તપાસ શરૂ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ