અરે બાપ રે / સુરતમાં 100 ફૂટ ઊંચી ટાંકી પર ચડી ગયો યુવક, કલાક સુધી ગોળ ગોળ ફરતો રહ્યો, જાણો કેવી રીતે નીચે લવાયો?

સુરતના ઉધનામાં બની રહેલી ટાંકી પર એક યુવકે ચડી જઈને ડ્રામો કર્યો હતો યુવકને તો મજાક લાગી પરંતુ તંત્રને પરસેવો પડી ગયો. હકીકતમાં અસ્થિર મગજનો એક યુવક બની રહેલી 100 ફૂટ ઊંચી ટાંકી પર ચડી ગયો હતો અને લગભગ એક કલાક ત્યાં જ ઊભો રહ્યો હતો. જરાક જેટલી ભૂલ તેનો જીવ લઈ શકતી હતી. આ પછી લોકોના ટોળેટોળા વળ્યાં હતા અને ફાયર બ્રિગેડને જાણ કરવામાં આવી હતી જે પછી મહામુસીબતે તેને નીચે ઉતારાયો હતો.

હાઈડ્રોલિક ડ્રોલી સાથે યુવકનું રેસ્ક્યૂ

સમાચાર મળ્યાં બાદ ફાયરબ્રિગેડ હાઈડ્રોલિક ટ્રોલી સાથે આવી હતી અને બે જવાનોએ તેને ટ્રોલીમાં બેસાડ્યો હતો.

વધુ વાંચો : VIDEO : પ્રેમી યુગલો સ્વર્ગમાં સરી પડશે! સાપુતારા સોળે કળાએ ખીલી ઉઠ્યું, જુઓ અદ્દભુત નજારો

બાંધકામના માંચડા પર થઈને ઉપર ચડ્યો

બાંધકામ માટે બનાવાયેલા માંચડા પર થઈને યુવક ઉપર ચડી ગયો હતો. લોકોએ તેને નીચે ઉતરી જવા સમજાવ્યો પણ યુવક માન્ય નહીં અને 100 ફૂટ ઉપર જઈ બેસી ગયો હતો અને કલાક ત્યાં જ રોકાયો હતો. ફાયર ઓફિસર નરોત્તમ ખલાસીએ જણાવ્યું કે, SMCની નવી બની રહેલી પાણીની ટાંકી પર એક અસ્થિર મગજનો યુવક ચડી ગયો હતો. ઘટનાની જાણ થતાં જ ઉધના ફાયર સ્ટેશનની ટીમ તાત્કાલિક સ્થળ પર પહોંચી ગઈ હતી. યુવક ટાંકીની ઉપર ગોળ ગોળ ફરી રહ્યો હતો અને અસ્થિર મગજનો હોવાથી તે શું બોલી રહ્યો હતો તેની કશી ખબર પડતી નહોતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ