તમારા કામનું / આધાર કાર્ડમાં તમે નામ કેટલી વખત અપડેટ કરાવી શકો? જાણો નિયમો અને પ્રોસેસ

આધાર કાર્ડ આજે ભારતના લગભગ દરેક નાગરિક માટે ફરજીયાત દસ્તાવેજ બની ગયું છે. સ્કૂલ-કૉલેજમાં એડમિશનથી લઈને સરકારી યોજનાઓનો લાભ મેળવવા સુધી તેનો ઉપયોગ થાય છે. પરંતુ ઘણી વખત આધાર કાર્ડમાં નામ, સરનામું અથવા જન્મ તારીખ જેવી વિગતો ખોટી દાખલ થઈ જાય છે. UIDAI નાગરિકોને આ માહિતી સુધારવાની તક આપે છે પણ તેની પણ એક મર્યાદા છે.

ફક્ત બે વખત જ કરી શકાશે નામમાં ફેરફાર

UIDAIના નિયમો મુજબ, કોઈપણ વ્યક્તિ પોતાના આધાર કાર્ડમાં નામમાં માત્ર બે વખત જ ફેરફાર કરી શકે છે. જો તમે પહેલાથી બે વખત નામ અપડેટ કરાવી લીધું હોય તો ત્રીજી વખત UIDAI મંજૂરી આપતું નથી. જો કોઈના પાસે ખાસ કારણ અથવા માન્ય પુરાવા હોય, તો UIDAI સ્પેશિયલ પરમિશનથી ચકાસણી કર્યા પછી ફેરફારની મંજૂરી આપી શકે છે.

કયા દસ્તાવેજો જરૂરી રહેશે

નામ સુધારવા માટે આધારધારકને નીચેના દસ્તાવેજોમાંથી કોઈ એક આપવો ફરજિયાત છે. આ દસ્તાવેજમાં તમારું સાચું નામ લખેલું હોવું જોઈએ.

• પાસપોર્ટ
• મતદાર કાર્ડ (Voter ID)
• પાન કાર્ડ
• સરકારી સર્વિસ કાર્ડ અથવા માન્ય ઓળખ દસ્તાવેજ

નામ અપડેટ કરવાની પ્રક્રિયા

નામ બદલાવવા માટે તમારે નજીકના આધાર સેવા કેન્દ્ર (Aadhaar Seva Kendra) પર જવું પડશે. ત્યાં તમને ફોર્મ ભરવું પડશે અને જરૂરી પુરાવા સાથે સબમિટ કરવું પડશે. અધિકારી તમારા દસ્તાવેજો ચકાસીને સુધારાની પ્રક્રિયા શરૂ કરશે. કેટલાક દિવસમાં તમારું સુધારેલું આધાર કાર્ડ તૈયાર થઈ જાય છે.

આ પણ વાંચોઃ ધર્મ / ધનતેરસ પર શનિદેવનો ઓછાયો, ઘરમાં ભૂલથી પણ ન લાવો આ 6 વસ્તુઓ

ફી વધારી દેવામાં આવી

હાલમાં UIDAIએ નામ સુધારવાની ફી પણ વધારી છે. પહેલાં આ માટે ₹50 લેવામાં આવતાં હતાં, હવે નવી ફી ₹75 નક્કી કરવામાં આવી છે. આ નવો નિયમ 1 ઑક્ટોબરથી લાગુ થવાનો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ