રેડ અલર્ટ / મુંબઈમાં છેલ્લા 24 કલાકથી મૂશળધાર વરસાદ: દરિયો ગાંડોતૂર, નદી-નાળા છલાકાયા, આવનારા 24 કલાક ભારે

• મુંબઈમાં છેલ્લા 24 કલાકથી સતત વરસી રહ્યો છે વરસાદ
• હવામાન વિભાગે આપ્યું હાઈટાઈડનું એલર્ટ
• વરસાદને કારણે મુંબઈના અનેક વિસ્તારોમાં ભરાયા પાણી

મુંબઈમાં છેલ્લા 24 કલાકમાં સતત વરસાદ વરસી રહ્યો છે.  ભારે વરસાદ થતા મુંબઈના અનેક વિસ્તારોમાં પાણી ભરાયા છે.  હિંદમાતા, સાયન, કુર્લા, દાદરના વિસ્તારમાં પાણી ભરાતા લોકો પરેશાન થયા છે. વરસાદના કારણે નદી-નાળામાં પાણીની આવક થઈ છે. વિલે પાર્લેમાં ઘરોમાં પાણી ભરાતા લોકોને પરેશાની થઈ રહી છે. ભારે વરસાદની આગાહીને પગલે હવામાન વિભાગે રાયગઢ, ઠાણે, નાસિક અને પાલઘરમાં રેડ એલર્ટ જાહેર કર્યુ.

નાલાસોપારમાં ઘૂંટણ સમાણા પાણી

ભારે વરસાદના કારણે મુંબઈમાં ટ્રાફિક થંભી ગયો છે. છે. નદી- નાળાઓ બધા ભરાઈ ગયા છે. માછીમારોને દરિયો ખેડવાની મનાઈ ફરમાવવામાં આવી છે. સૌથી ખરાબ સ્થિતિ નાલાસોપારા વિસ્તારની છે, શેરીઓમાં ઘૂંટણ સુધી પાણીથી ભરાય છે. 

વિલેપાર્લે પાણી પાણી

વિલે પાર્લેમાં સતત વરસી રહેલા વરસાદને કારણે પાણી પાણી થઈ ગયો છે. રસ્તા પરથી લોકોના ઘરોમાં પાણી આવવાનું શરૂ થઈ ગયું છે.

હવામાન વિભાગે ચેતવણી આપી છે, શહેરમાં જૂની ઇમારતોને જોખમ હોઈ શકે છે

ભારતીય હવામાન વિભાગ (આઈએમડી) એ ભારે વરસાદની ચેતવણી આપતા કહ્યું હતું કે શહેરમાં જૂની ઇમારતોને આ વરસાદથી જોખમ થઈ શકે છે. આઈએમડીએ લોકોને ઘરોમાંથી બહાર નીકળવાનું ટાળવાની સલાહ આપી છે અને કહ્યું છે કે આગામી એક-બે દિવસ વરસાદથી ટ્રાફિકને પણ અસર થઈ શકે છે