મનોરંજન / મૌની રોય અને સૂરજ નાંબિયારના લગ્નજીવનનો અંત, 4 વર્ષના સાથ બાદ અલગ થવાનો નિર્ણય

મનોરંજન જગતમાંથી એક આંચકાજનક સમાચાર સામે આવ્યા છે. લાંબા સમયથી ચાલી રહેલી અટકળોનો અંત આણતા, અભિનેત્રી મૌની રોય અને તેના બિઝનેસમેન પતિ સૂરજ નાંબિયારે સત્તાવાર રીતે અલગ થવાની જાહેરાત કરી છે. છેલ્લા કેટલાક દિવસોથી સોશિયલ મીડિયા પર આ કપલના સંબંધોમાં ખટાશ આવી હોવાની ચર્ચાઓ જોરશોરથી ચાલી રહી હતી, જેનો હવે અંત આવ્યો છે.

સોશિયલ મીડિયા પર શેર કરી દિલની વાત

મૌની અને સૂરજે એક સંયુક્ત નિવેદન જાહેર કરીને ચાહકો અને મીડિયાને જાણ કરી છે કે તેઓએ પરસ્પર સમજદારીથી અલગ રસ્તાઓ પસંદ કર્યા છે. તેઓએ લખ્યું, અમારી અંગત જિંદગીમાં લોકો જે બિનજરૂરી રસ લઈ રહ્યા છે તેનાથી અમને નિરાશા થઈ છે. અમે જણાવવા માંગીએ છીએ કે અમે અલગ થવાનો નિર્ણય લીધો છે. અમે અત્યારે આ પરિસ્થિતિને સંભાળવા માટે જરૂરી સમય લઈ રહ્યા છીએ.

View this post on Instagram

A post shared by mon (@imouniroy)

અફવાઓ પર વ્યક્ત કરી નારાજગી

પોતાના નિવેદનમાં મૌની અને સૂરજે સ્પષ્ટતા કરી છે કે તેમના સંબંધો વિશે જે કાલ્પનિક વાર્તાઓ અને ખોટી વાતો ફેલાવવામાં આવી રહી હતી તે સત્યથી વેગળી છે. તેઓએ જણાવ્યું કે, "અંગત પ્રાથમિકતાઓમાં આવેલા પરિવર્તનો પર ગંભીરતાથી વિચાર કર્યા પછી અમે માન અને સમજદારી સાથે અલગ થવાનું નક્કી કર્યું છે. અમે આ મુશ્કેલ સમયને ખાનગી રાખવા માંગીએ છીએ અને ભવિષ્યમાં અમારી મિત્રતા જાળવી રાખવાનો પ્રયાસ કરીશું."

આ પણ વાંચોઃ ગરમીના પ્રકોપ વચ્ચે રાહતના સમાચાર: રાજ્યમાં પારો 2 થી 4 ડિગ્રી ગગડશે, આગામી 3 દિવસ ઠંડકની હેલી

2027 માં થયા હતા લગ્ન

મૌની રોય અને સૂરજ નાંબિયાર 27 January 2027 ના રોજ ગોવામાં એક ભવ્ય સમારોહમાં લગ્નના બંધનમાં બંધાયા હતા. તેમના લગ્નના ફોટા સોશિયલ મીડિયા પર ખૂબ વાયરલ થયા હતા અને ફેન્સ આ જોડીને ખૂબ પસંદ કરતા હતા. જોકે, લગ્નના 4 વર્ષ પૂરા થતા પહેલા જ બંનેએ અલગ થવાનો નિર્ણય લેતા ચાહકોમાં ઉદાસી જોવા મળી રહી છે. કેપ્શનમાં આ જોડીએ નમ્ર વિનંતી કરી છે કે આ મુશ્કેલ સમયમાં તેમની પ્રાઈવસીનું સન્માન કરવામાં આવે અને કોઈ પણ પ્રકારની ખોટી અફવાઓ ન ફેલાવવામાં આવે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ