પ્રહાર / ખોડલધામમાં શીશ ઝૂકાવ્યા બાદ ઈટાલિયાએ સ્મૃતિ ઈરાનીને આપ્યો જવાબ, કહ્યું એક નહીં કરોડો માતાઓનું વિચારો"

• ગોપાલ ઈટાલિયાએ ખોડલ માતાજીના દર્શન કર્યા
• મારા જૂના વીડિયો પોસ્ટ કરવામાં આવે છે:ઈટાલિયા
• છ કરોડ માતાઓનું અપમાન થયું છે:ઈટાલિયા 

ગુજરાત આમ આદમી પાર્ટીના પ્રદેશ અધ્યક્ષ ગોપાલ ઈટાલિયાની ગઈ કાલે દિલ્હી પોલીસે ધરપકડ કરી હતી ત્યાર બાદ તેમને મુક્ત પણ કરી દેવામાં આવ્યા હતા. ગઈ કાલની પરિસ્થિતી બાદ આજે ગોપાલ ઈટાલીયા ખોડલધામમાં મા ખોડલના પૂજન-અર્ચન માટે પહોંચ્યા હતા. જ્યાં તેમની સાથે આમ આદમીના કાર્યકર્તાઓ મોટી સંખ્યામાં જોડાયા હતા. ગોપાલ ઈટાલીયાએ કાર્યકર્તાઓ સાથે કાગવડ ખોડલધામ ખાતે માતાજીના દર્શન કર્યા હતા.

ગોપાલ ઈટાલિયાના સ્મૃતિ ઈરાની પર પ્રહાર
ગોપાલ ઈટાલિયા ગઈ કાલની ધરપકડ અને તેમના વાયરલ વીડિયા બાબતે ગોપાલ ઈટાલિયાએ ફરી પાટીદાર રાગ આલાપ્યો હતો અને ઈટાલિયાએ કહ્યું કે પાટીદાર હોવાથી ટાર્ગેટ કરવામાં આવે છે અને મારા જૂના વીડિયો પોસ્ટ કરવામાં આવે છે. તેમજ ઈટાલિયાએ સમગ્ર વીડિયા બાબતે પોતાનો બચાવ રજૂ કર્યો હતો. તેમણે કહ્યું હતું કે, સ્મૃતિ ઈરાની જૂના વીડિયો પોસ્ટ કરે છે તે ગેસના બાટલા લઈ ને નાચતા હતા તે વીડિયો પણ પોસ્ટ કરવા જોઈએ. તેમણે કહ્યું હતું કે, એક નહીં કરોડો માતાનું વિચારવો જોઈએ. તેમણે કહ્યું કે, ગુજરાતનાં છ કરોડ લોકોની માતાઓનું અપમાન થયું છે.

"લોકોની સેવા કરવાની માતાજી શક્તિ આપે"
આમ આદમીના ગુજરાત પ્રદેશ પ્રમુખ ગોપાલ ઈટાલિયાએ કહ્યું હતું કે આજે કાગવડ ખોડલધામ ખાતે માતાજીના દર્શન કરવા આવ્યો છું. આજે મા ખોડિયારના આશીર્વાદ લીધા છે. લોકોની સેવા કરવાની માતાજી મને શક્તિ આપે તેવી પ્રાર્થના કરી છે.