શિયાળાની સિઝનમાં બાજરીની મજા અલગ જ છે. ગરમાગરમ બાજરીનો રોટલો તો તમે ખાધો જ હશે. તે શરીરને ગરમી આપવામાં મદદ કરે છે. હવે તમે આ બાજરીનો હલવો ખાશો તો તે શરીરને તાકાત અને ગરમી આપે છે. શરદી થાય તો તેમાં આ હલવો લાભદાયી ગણાય છે. દવાની આવશ્યકતા રહેતી નથી. ગરમાગરમ અને ટેસ્ટી હલવો સ્વાદ અને હેલ્થને માટે બેસ્ટ ગણવામાં આવે છે. તો નોંધી લો રેસિપિ અને ટ્રાય કરો તમારા રસોડામાં.
પેનને ગરમ કરો અને એક ચમચી સિવાયનું ઘી ગરમ કરો. તેમાં બાજરીનો લોટ ઉમેરો, મીડિયમ ગેસ રાખો અને તેને શેકો. ઘી અલગ થાય અને લોટ સોનેરી થાય ત્યાં સુધી શેકો, તેમાં સવા કપ પાણી ઉમેરો. તેમાં ખાંડ ઉમેરો અને ચઢવા દો. કાડુ સુધારી લો. હલવો ગાઢ થાય એટલે તેમાં કાજુ, કિશમિશ, ઇલાયચી પાવડર અને નારિયેળ ઉમેરી દો. પસંદ અનુસાર ડ્રાયફ્રૂટ્સ ઉમેરી શકાય છે. હલવો તૈયાર છે. તેને એક બાઉલમાં કાઢી લો તેની પર બચેલું ધી નાંખો. તે પછી ગાર્નિંશિંગ માટે કાજુ વાપરો.