કામની વાત / હવે ટૂંક સમયમાં આવશે PM કિસાનનો 24મો હપ્તો, ખેડૂતોની આતુરતાનો આવશે અંત!

ખેડૂતોનો લાંબી રાહ હવે પૂરી થવાની છે. પીએમ કિસાન સન્માન નિધિ યોજનાનો 24મા હપ્તાની રકમ જલ્દી જ ખાતામાં આવી શકે છે. અહેવાલો અનુસાર આ હપ્તો ઓક્ટોબરમાં કે દિવાળી પહેલાં જારી થવાની સંભાવના છે. સરકાર તરફથી હજુ સત્તાવાર જાહેરાત થઈ નથી પણ અગાઉના વર્ષોના અનુભવને આધારે ખેડૂતો આશા રાખી રહ્યા છે.

આ યોજના હેઠળ દર ચાર મહિને બે હજાર રૂપિયાનો હપ્તો મળે છે. જેથી વર્ષમાં કુલ 6 હજાર રૂપિયા મળે છે. પણ આ લાભ મેળવવા માટે અમુક શરતો પૂરી કરવી જરૂરી છે. જે ખેડૂતોએ ઈ-કેવાયસી પૂરી કરી નથી કે બેંક ખાતાને આધાર સાથે લિંક કર્યું નથી તેમના ખાતામાં આ હપ્તો નહીં આવે. આથી જેમણે હજુ આ પ્રક્રિયા બાકી રાખી છે તેમને તરત પૂરી કરી લેવી જોઈએ.

નવા અરજદારો માટે ફાર્મર આઈડી હવે જરૂરી બની ગઈ છે. જેમાં કૃષિ વિભાગે સ્પષ્ટ કર્યું છે કે પોર્ટલ પર ફાર્મર આઈડી દાખલ કર્યા વગર અરજી આગળ વધશે નહીં. આ આઈડીમાં આધાર નંબર, મોબાઈલ નંબર અને ખેતીલાયક જમીનની ડીટેલ ડિજિટલ રીતે સચવાય છે. જેમાં નજીકના સીએસસી સેન્ટર કે રાજ્યના કૃષિ પોર્ટલ પર જઈને આ આઈડી બનાવી શકાય છે.

જે ખેડૂતો પોતાના નામે જમીન નથી ધરાવતા અને કે પટ્ટદાર તરીકે ખેતી કરે છે તેમના માટે સરકાર અસ્થાયી ફાર્મર આઈડી આપવાની તૈયારી કરી રહી છે. જોકે હાલના નિયમો અનુસાર પીએમ કિસાનનો લાભ માત્ર રજિસ્ટર્ડ જમીન માલિકોને જ મળે છે.

વધુ વાંચો : રૂપિયાની સમસ્યા વચ્ચે PF એકાઉન્ટથી ભરો LIC પ્રીમિયમ! જાણો નિયમ-પદ્ધતિ

આમ જોઈએ તો 24મા હપ્તાની રાહ જોતા ખેડૂતોએ પોતાની ઈ-કેવાયસી અને આધાર-બેંક લિંક ચેક કરી લેવું જોઈએ. નવા અરજદારોએ ફાર્મર આઈડી જરૂર બનાવવું પડશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ