તમારા કામનું / ટ્રેનમાં આધાર કાર્ડ ભૂલી ગયા? તો આ રીતે મોબાઈલમાં કરી લો ડાઉનલોડ, કામ થઇ જશે

ટ્રેનમાં મુસાફરી કરતી વખતે જો તમે ફિઝિકલ આધાર કાર્ડ ઘરે ભૂલી ગયા હોવ તો ચિંતા કરવાની જરૂર નથી. આવી સ્થિતિમાં મોબાઈલમાં રાખેલો ડિજિટલ આધાર કામ આવી શકે છે. જેમાં TTEને mAadhaar એપ કે ડિજીલોકરમાં સાચવેલા વેરિફાઈડ આધાર ડોક્યુમેન્ટ તરીકે બતાવી શકાય છે. તેથી મુસાફરી પહેલાં ડિજિટલ આધાર તૈયાર રાખવું જોઈએ.

mAadhaar એપ આ રીતે યુઝ કરવી

સૌપ્રથમ ફોનમાં mAadhaar એપ ડાઉનલોડ કરો. જરૂરી માહિતી સાથે લોગઈન કરીને તમારું ડિજિટલ આધાર પ્રોફાઈલ ઓપન કરો. જ્યારે જરૂર પડે ત્યારે એપમાંની આધાર માહિતી અને ક્યૂઆર કોડ TTEને બતાવી શકો છો. આ એપની એક વિશેષતા એ છે કે તમે પરિવારના બીજા સભ્યોના આધાર પણ સેવ કરી શકો છો. મુસાફરી પહેલાં એપમાં માહિતી ઉપલબ્ધ છે કે નહીં તે જરૂરીથી ચેક કરી લો.

જો તમારા ફોનમાં ડિજીલોકર એપ હોય તો તેનો પણ ઉપયોગ કરી શકાય છે. આ એપ ખોલીને લોગઈન કરો, Issued Documents સેક્શનમાં જાઓ અને ત્યાં સાચવેલા વેરિફાઈડ આધાર ડોક્યુમેન્ટને એક્સેસ કરો. તેને પણ TTEને બતાવી શકાય છે.

ટ્રેનમાં મુસાફરી દરમિયાન વેલીડ ફોટો આઈડી સાથે રાખવી જરૂરી છે. ટિકિટ ઓનલાઈન હોય કે કાઉન્ટરથી લીધેલી હોય, TTE ટિકિટ ચેક કરતી વખતે ઓળખપત્ર માંગી શકે છે. આધાર સિવાય મતદાર આઈડી, ડ્રાઈવિંગ લાઈસન્સ કે પાસપોર્ટ પણ યુઝ થઇ શકે છે.

વધુ વાંચો : રૂપિયાની સમસ્યા વચ્ચે PF એકાઉન્ટથી ભરો LIC પ્રીમિયમ! જાણો નિયમ-પદ્ધતિ

જો વેલીડ આઈડી ન બતાવી શકો તો રેલવેના નિયમો અનુસાર કાર્યવાહી થઈ શકે છે. જેમાં નક્કી કરેલ ભાડા સાથે દંડ પણ વસૂલાઈ શકે છે. આથી મુસાફરી પહેલાં ટિકિટ સાથે માન્ય આઈડી પ્રૂફ કે મોબાઈલમાં ડિજિટલ આધાર તૈયાર રાખવું જ વધુ સુરક્ષિત મનાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ