ઓટો મોબાઇલ / થોડા સમયમાં રસ્તાઓ પર દોડતી દેખાશે ટાટાની નવી સિએરા કાર, જાણો કઈ કિંમત પર કેટલા ફિચર્સ?

ટાટા મોટર્સે જાહેરાત કરી છે કે તે 25 નવેમ્બરના રોજ ભારતમાં પોતાની બહુચર્ચિત SUV ટાટા સીએરા 2025 નું અધિકૃત અનાવરણ કરશે. જોકે, ખાસ વાત એ છે કે આ SUVે 15 નવેમ્બરનાં રોજ વૈશ્વિક સ્તરે પહેલા જ ધમાકેદાર પ્રવેશ કરી દીધો છે. કંપનીએ ગ્લોબલ ઈવેન્ટ દરમિયાન ઘણાં મહત્વપૂર્ણ ટીઝર અને ફીચર્સ પણ જાહેર કર્યા છે, જેણે ગ્રાહકોમાં ઉત્સુકતા વધુ વધારી દીધી છે.

ટાટા સીએરાની કિંમત અંગે મોટી ચર્ચા ચાલી રહી છે. અંદાજ અનુસાર, આ SUVની ભારતના બજારમાં ₹13.50 લાખથી ₹24 લાખ (એક્સ-શોરૂમ) વચ્ચે કિંમત હોઈ શકે છે. આ નવા મોડલનું મુખ્ય ટાર્ગેટ સેગમેન્ટ થાર રોક્સ અને MG હેક્ટર જેવી SUV સાથેની સ્પર્ધા છે. આથી સ્પષ્ટ થાય છે કે સીએરા નેમપ્લેટ ફરી એક વાર બજારમાં પોતાની ઓળખ બનાવવા તૈયાર છે.

ડિઝાઇનની વાત કરીએ તો ટાટા સીએરા 2025નું બાહ્ય રૂપ અત્યંત આધુનિક અને આકર્ષક બનાવવામાં આવ્યું છે. ફ્રન્ટ પ્રોફાઇલમાં બ્લેક-આઉટ ગ્રિલ, શાર્પ કૅરેક્ટર લાઇન્સ અને વચ્ચે ચમકતો ટાટા લોગો તેને પ્રીમિયમ લુક આપે છે. સાથે જ ઇન્ટિગ્રેટેડ Sierra નેમપ્લેટ તેને વધુ ખાસ બનાવે છે. LED સેટઅપમાં પાતળા હેડલેમ્પ્સ, લાંબો ફૂલ-વિડ્થ LED લાઇટ બાર અને LED ફોગ લેમ્પ્સનો સમાવેશ છે. ડ્યુઅલ-ટોન એલોય વ્હીલ્સ, કન્ટ્રાસ્ટ કલર પિલર્સ અને ફ્લશ ડોર હેન્ડલ્સ SUVની સ્ટાઇલ અને રોડ પ્રેઝન્સ બંનેમાં વધારો કરે છે.

SUV ખૂબ સજાવટી લુક

પાછળના ભાગમાં પણ SUV ખૂબ સજાવટી લુક ધરાવે છે. કનેક્ટેડ LED ટેઇલલેમ્પ્સ, પહોળો ટેલગેટ અને ગાઢ બમ્પર તેને મજબૂત અને ક્લાસિક SUVનો સ્પર્શ આપે છે. રૂફ રેલ્સ, કાળા ORVM અને શાર્ક-ફિન ઍન્ટેનાથી તેનું લુક વધુ યુવા અને સ્પોર્ટી બને છે.

ઈન્ટીરિયર બાબત કરીએ તો સીએરામાં પહેલીવાર ટ્રિપલ સ્ક્રીન લેઆઉટ અપાશે — ડિજિટલ ઇન્સ્ટ્રુમેન્ટ ક્લસ્ટર, મધ્યમાં ઇન્ફોટેનમેન્ટ સ્ક્રીન અને કો-ડ્રાઇવર માટે અલગ ડિસ્પ્લે. HVAC કંટ્રોલ, ગિયર સિલેક્ટર અને સ્ટિયરિંગ વ્હીલ ટાટાના પરિચિત પરંતુ અપગ્રેડેડ સ્ટાઇલમાં છે. બીજી હરોળમાં આરામદાયક હેડરેસ્ટ, વિન્ડો શેડ્સ અને પ્રીમિયમ અપહોલ્સ્ટરી આપવામાં આવી છે.

જાણો આ કારના ફીચર્સ

ફીચર્સની વાત કરીએ તો અપેક્ષા છે કે સીએરા લેવલ 2 ADAS, પેનોરેમિક સનરૂફ, વેન્ટિલેટેડ સીટ્સ, ડ્યુઅલ-ઝોન ક્લાઈમેટ કંટ્રોલ અને કનેક્ટેડ કાર ટેક્નોલોજી જેવી સુવિધાઓ સાથે આવશે.

આ પણ વાંચો : પૈસા કરતાં પણ 'વધુ મળશે', જો તમે 5 વર્ષથી મોબાઈલ નંબર ન બદલ્યો હોય તો મળશે આ 5 લાભો!

ટાટા સીએરા બંને વર્ઝનમાં આવશે — ICE (પેટ્રોલ/ડીઝલ) અને EV. પહેલેથી ICE વર્ઝન 25 નવેમ્બરે લોન્ચ થશે, જ્યારે EV આવતી સાલે આવશે. એન્જિન વિકલ્પોમાં 1.5-લિટર નેચરલી એસ્પિરેટેડ પેટ્રોલ, 1.5-લિટર GDI ટર્બો પેટ્રોલ અને 1.5-લિટર ડીઝલ એન્જિન શામેલ હોઈ શકે છે. મેન્યુઅલ અને ઓટોમેટિક બંને ટ્રાન્સમિશન મળશે. સાથે, અનેક ટેરેન અને ડ્રાઇવ મોડ્સ પણ સુવિધા તરીકે મળવાની શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ