મહારાષ્ટ્રના રાજકારણમાંથી મોટા સમાચાર સામે આવ્યા છે. ઉદ્ધવ ઠાકરેએ કેન્દ્રીય મંત્રી નીતિન ગડકરીને ખુલ્લી ઓફર આપી છે. તેમણે તેમને ભાજપ છોડીને MVAમાં જોડાવા અને ચૂંટણી લડવા આમંત્રણ આપ્યું છે. ઉદ્ધવ ઠાકરેએ કહ્યું, 'દિલ્હી સામે ઝૂકશો નહીં. તેમની ઓફરનો જવાબ આપતા ડેપ્યુટી સીએમ દેવેન્દ્ર ફડણવીસે કહ્યું કે નીતિન ગડકરી અમારા મોટા નેતા છે. ઉદ્ધવની પાર્ટી માત્ર બેન્ડ વગાડવાની છે.
ઉદ્ધવ ઠાકરેએ શું કહ્યું ?
શિવસેના પ્રમુખ ઉદ્ધવ ઠાકરે (યુબીટી) એ શુક્રવારે કહ્યું, 'ભાજપની યાદી બહાર આવી છે. અનેક નામો સામે આવ્યા છે. કૃપાશંકર સિંહ કે જેમના પર ભાજપે ભ્રષ્ટાચારનો આરોપ લગાવ્યો હતો, તેમનું નામ પણ પીએમ મોદીની સાથે યાદીમાં છે, પરંતુ નીતિન ગડકરી કે જેમણે મહારાષ્ટ્રમાં ભાજપનો આધાર તૈયાર કરવા માટે આટલા વર્ષો સુધી કામ કર્યું. તેમનું નામ નથી. ઠાકરેએ કહ્યું, 'ગડકરીજી, ભાજપ છોડી દો. અમે તમને MVA થી ચૂંટણી જીતાડશું. ગડકરીજી, તેમને બતાવો કે મહારાષ્ટ્ર શું છે. મહારાષ્ટ્ર ક્યારેય દિલ્હી સામે ઝૂક્યું નથી.
સુપ્રિયા સુલેએ કહ્યું નીતિન ગડકરી કોઇ પાર્ટીના નહીં, પણ દેશના નેતા
આ મામલે NCP નેતા સુપ્રિયા સુલેની પ્રતિક્રિયા પણ સામે આવી છે. તેમણે કહ્યું કે નીતિન ગડકરી કોઈ પાર્ટીના નેતા નથી પરંતુ સમગ્ર દેશના મોટા નેતા છે. ક્યારેય બદલાની ભાવના સાથે રાજકારણ કર્યું નથી. તેમની વિશેષતા એ છે કે જ્યારે પણ કોઈ સાંસદ તેમની પાસે તેમના લોકસભા મતવિસ્તાર માટે ફંડ માંગે છે ત્યારે તેઓ વિચાર્યા વગર જ ફંડ આપે છે. સુપ્રિયાએ વધુમાં કહ્યું કે ભાજપ સાથે અમારો વૈચારિક મતભેદ છે પરંતુ ગડકરી સાહેબ માટે માન છે કારણ કે તેઓ આ સંબંધમાં ક્યારેય કઠોરતા લાવ્યા નથી, બદલાની ભાવનાથી ક્યારેય રાજકારણ નથી કર્યું.
આ પણ વાંચોઃ કોણ છે સુધા મૂર્તિ? જેઓને રાજ્યસભા માટે કરાયા નામાંકિત, PM મોદીએ ટ્વિટ કરીને આપી જાણકારી
મહારાષ્ટ્રની સીટો પર હજુ ઉમેદવારોની સૂચિ જાહેર કરવામાં આવી નથીઃ ફડણવીસ
તે જ સમયે, મહારાષ્ટ્રના ડેપ્યુટી સીએમ દેવેન્દ્ર ફડણવીસે ઉદ્ધવ ઠાકરેના આ નિવેદન પર પ્રતિક્રિયા આપી છે. તેમણે કહ્યું કે ઉદ્ધવ ઠાકરેની પાર્ટી માત્ર બેન્ડ બાજા સાથે રહી ગઈ છે અને તેઓ ગડકરી જેવા આપણા રાષ્ટ્રીય નેતાને સીટ ઓફર કરી રહ્યા છે.. .તેમણે કહ્યું આ એવું છે જાણે કોઇ શેરી
ગડકરીનું નામ ઉમેદવારોની યાદીમાં ન હોવાને લઇને તેમણે કહ્યું કે મહારાષ્ટ્રની સીટો પર હજુ ઉમેદવારોની સૂચિ જાહેર કરવામાં આવી નથી, કારણ કે મહાગઠબંધન પક્ષોમાં મંથન ચાલી રહ્યું છે, જ્યારે મહારાષ્ટ્રના લોકસભા ઉમેદવારોની ચર્ચા થશે ત્યારે પહેલું નામ નીતિન ગડકરીજીનું હશે.
