ભાવુક ક્ષણ / VIDEO: અનંતની સગાઈમાં ભાવુક થયા દાદી કોકિલાબેન; ગુજરાતીમાં આપી ભાવુક સ્પીચ, કહ્યું હું ભાગ્યશાળી છું

• અનંત અંબાણી અને રાધિકા મર્ચન્ટની સગાઇ દરમિયાનની ભાવુક ક્ષણ
• સગાઈમાં દાદી કોકિલાબેન થયા ભાવુક 
• ધીરુભાઈને યાદ કરી ગુજરાતીમાં આપી ભાવુક સ્પીચ

દુનિયાભરમાં જાણીતા અને ભારતમાં દિગજ્જ ઉદ્યોગપતિ મુકેશ અંબાણીના પુત્ર અનંત અંબાણીએ રાધિકા મર્ચન્ટ સાથે સગાઈ કરી છે. સંપૂર્ણ રીત રિવાજ અને વિધિ-વિધાન સાથે બનેંએ એક બીજાને રિંગ પહેરાવી સગાઈ વિધિ પૂર્ણ કરી હતી. આ અવસરે પરિવારજનો અને સગાસંબંધીઓ ઉપરાંત અનેક ખ્યાતનામ લોકો હાજર રહ્યાં હોવાથી આ સગાઈનો અવસર અંબાણી પરિવાર માટે ખુશીનો રહ્યો હતો. 

#WATCH | Ambani family performed Ganesh Puja on the occasion of the engagement of Anant Ambani and Radhika Merchant.

The engagement ceremony was held at Mukesh Ambani's Mumbai residence 'Antilla' yesterday pic.twitter.com/sWIjuj02mP

— ANI (@ANI) January 20, 2023

ગુજરાતીમાં આપી ભાવુક સ્પીચ

જે રીતે સગાઈ લગ્નમાં માતાપિતા અને વડીલોના આશીર્વાદ લેવામાં અવાતા હોય તેવા જ દ્રશ્યો અંબાણી પરિવારમાં પણ જોવા મળ્યા હતા. આ દરમિયાન અનંત અંબાણી અને રાધિકા મર્ચન્ટને તેમની સગાઈના અવસર પર આશીર્વાદ આપતાં દાદી કોકિલાબેન ભાવુક બન્યા હતા. તેમને ભારે હૈયે જણાવ્યું હતું કે, મારા આશીર્વાદ તો તમારી સાથે છે, પરંતુ આજે તે (ધીરુભાઈ) અહીં હોત તો ખૂબ જ ખુશ થયા હોત. તે જ્યા પણ છે ત્યાંથી આશીર્વાદ આપી રહ્યા હશે.

 
સગાઈમાં જાણીતા આગેવાનોએ આપી હાજરી 
ત્યારબાદ કોકિલાબેને કહ્યું કે હું ખૂબ નસીબદાર છું કે મારી પાસે ઈશા, શ્લોકા અને રાધિકા છે. હું ખરેખાર ભાગ્યશાળી છું. મહત્વનું છે કે અનંત અંબાણી અને રાધિકા મર્ચન્ટની સગાઈ નિમિત્તે મુકેશ અંબાણીના ઘર એન્ટીલિયામાં ભગવાન ગણેશજીની પૂજાનું પુરા પરિવાર સાથે આયોજન કરવામાં આવ્યું હતું. દેશના સૌથી મોટા ઉદ્યોગપતિ પરિવારના અંતન અંબાણીની સગાઈમાં તમામ જાણીતા આગેવાનોએ હાજરી આપી હતી.