દિવાળી 2019 / હજુ નાસ્તો બનાવવાનો બાકી છે તો આ રીતે ઘરે લોટ બાંધી માણો ક્રિસ્પી અને ટેસ્ટી ચોળાફળીની મજા

સામગ્રી

• 2 કપ બેસન
• 1 કપ અડદની દાળનો લોટ
• 1 ચમચી મીઠું
• 1 ચમચી બેકિંગ સોડા
• 1 ચમચી સંચળ
• 1 ચમચી લાલ મરચું
• લોટ બાંધવા અને તળવા માટે તેલ
• લોટ બાંધવા માટે પાણી

રીત

સૌપ્રથમ પા કપ નવશેકા પાણીમાં એક બેકિંગ સોડા નાખી અને તેને ઓગાળો. ત્યારબાદ એક મોટા બાઉલમાબેસન અને આ સિવાય અડદની દાળનો લોટ લો. તેની અંદર ૨ ટેબલસ્પૂન તેલ નાખો અને તમે સ્વાદ અનુસાર મીઠું નાખી મિક્સ કરી લો. થોડું સોડાવાળુ પાણી નાખી અને પૂરી જેવો કડક લોટ બાંધો. એક કલાક માટે આ લોટને ઢાંકીને સેટ થવા મૂકી દો. એક કલાક બાદ તમે લોટને ૮ થી ૧૦ મિનિટ સુધી મસળો.  લોટમાંથી તમે એકસરખા માપના લગભગ ૧૨ થી ૧૩ લુવા બનાવો અને ત્યારબાદ બાકીના લુવાને ઢાંકી એક લુવાને તમે વણવા લાગો. ઓરસિયા અને વેલણ પર થોડું તેલ લગાવી અને તેને એકદમ પાતળી પૂરી વણી લો. તેમાંથી લાંબી સ્ટ્રીપ કાપો અને આ સ્ટ્રીપને તમે એક પ્લેટમા રાખો. આ દરમિયાન તેલ ગરમ કરવા મૂકી દો અને તેલ ગરમ થઈ જાય એટલે તમારે ચોળાફળી તળવી. ચોળાફળી તળીને તમારે ઉપર આવે એટલે તેને પલટી લેવી અને લાઇટ ગોલ્ડન બ્રાઉન તળવી. તળીને એક પ્લેટમા કિચન ટૉવેલ પાથરી તેની પર રાખો. બધી જ ચોળાફળી તળાઈ જાય એટલે તેની પર  સંચળ, કાળામરી અને લાલ મરચું સ્પ્રિંકલ કરવું અને તમારે મિક્સ કરી દેવું. બસ તૈયાર છે આ ખૂબજ એક ટેસ્ટી અને ક્રિસ્પી ચોળાફળી. હવે તેને ડબ્બામાં ભરી લો અને દિવાળીમાં મહેમાનોનું સ્વાગત કરો આ ચોળાફળી સાથે.