9 ફોટો ગેલેરી

તમારા કામનું / ખેડૂતો માટે મોટી ખુશખબર! માત્ર 4% વ્યાજે મળશે ₹5 લાખ સુધીની લોન, KCC માટે કોણ પાત્ર અને કેવી રીતે કરશો અરજી?

Last Updated: 04:48 PM, 28 August 2026

FOLLOW ON

શેર કરો

કિસાન ક્રેડિટ કાર્ડ (KCC) યોજના હેઠળ ખેડૂતોને ખેતી તેમજ પશુપાલન અને મત્સ્યપાલન જેવી પ્રવૃત્તિઓ માટે ₹5 લાખ સુધીની પાક લોન પૂરી પાડવામાં આવે છે.

1/9

1. ખેડૂતો માટે મોટી ખુશખબર! માત્ર 4% વ્યાજે મળશે ₹5 લાખ સુધીની લોન, KCC માટે કોણ પાત્ર અને કેવી રીતે કરશો અરજી?

ખેતી ક્ષેત્રે આવક મેળવતા પહેલાં બિયારણ, ખાતર, જંતુનાશક દવાઓ અને સિંચાઈ માટે નાણાંની જરૂર પડે છે. જરૂરિયાતના સમયે નાણાંના અભાવે ખેડૂતોએ વ્યાજખોરો પાસે મોંઘા વ્યાજે લોન લેવી પડતી હોય છે. આ સમસ્યાના કાયમી ઉકેલ રૂપે 'કિસાન ક્રેડિટ કાર્ડ' (KCC) યોજના ખેડૂતો માટે આશીર્વાદરૂપ સાબિત થઈ રહી છે. કેન્દ્ર સરકારે કેસીસી હેઠળ આપવામાં આવતી પાક લોનની મહત્તમ સીમા વધારીને ₹5 લાખ સુધી કરી દીધી છે.

આ તસવીર શેર કરો

2/9

2. KCC યોજનાની મુખ્ય વિગતો

મહત્તમ લોન મર્યાદા: ₹5 લાખ સુધી, સામાન્ય વ્યાજ દર: 7%, સમયસર ભરપાઈ પર અસરકારક વ્યાજ: 4% સુધી (3% ઇન્સેન્ટિવ), વિના જામીન/ગેરંટી લોન: ₹2 લાખ સુધી, કાર્ડની માન્યતા (Validity): 5 વર્ષ, ઉપયોગ: ખેતી, પશુપાલન, ડેરી અને મત્સ્યપાલન.

આ તસવીર શેર કરો

3/9

3. વ્યાજદરમાં કેવી રીતે મળે છે રાહત?

કેસીસી હેઠળ ટૂંકા ગાળાની કૃષિ લોન માટે સામાન્ય વ્યાજ દર 7% નિર્ધારિત કરવામાં આવ્યો છે. જો ખેડૂત નિયત સમયમર્યાદામાં લોનની ભરપાઈ કરી દે છે, તો તેમને સરકાર તરફથી 3% વ્યાજ સબસિડી (પ્રોત્સાહન) મળે છે. આથી ખેડૂતો માટે આ લોનનો અસરકારક વ્યાજ દર માત્ર 4% જ રહે છે.

આ તસવીર શેર કરો

4/9

4. ₹5 લાખ સુધીની લોન કેવી રીતે મળશે?

સરકારે KCC ની સીમા ₹3 લાખથી વધારીને ₹5 લાખ કરી છે, પરંતુ તેનો અર્થ એ નથી કે દરેક અરજદારને સીધા ₹5 લાખ મળશે. બેંક ખેડૂતની જમીનનું ક્ષેત્રફળ, પાકની પદ્ધતિ, ખેતીની જરૂરિયાત અને લોન પરત કરવાની ક્ષમતાનું મૂલ્યાંકન કરીને ધિરાણ મર્યાદા (ક્રેડિટ લિમિટ) નક્કી કરે છે.

આ તસવીર શેર કરો

5/9

5. ₹2 લાખ સુધીની લોન માટે જામીન મુક્ત સુવિધા

નાના અને સીમાંત ખેડૂતો માટે રાહતના સમાચાર એ છે કે ₹2 લાખ સુધીની કૃષિ લોન માટે સામાન્ય રીતે કોઈ ગેરંટી, જામીન કે જમીન ગીરો રાખવાની જરૂર પડતી નથી. આનાથી નાના ખેડૂતો માટે બેંકિંગ સિસ્ટમમાંથી ધિરાણ મેળવવું વધુ સરળ બન્યું છે.

આ તસવીર શેર કરો

6/9

6. કોણ કરી શકે છે અરજી?

પોતાના નામે જમીન ધરાવતા ખેડૂતો તેમજ નાના અને સીમાંત ખેડૂતો અને ચોક્કસ શરતોને આધીન ભાગીદારીમાં કે ભાડે જમીન રાખીને ખેતી કરતા ખેડૂતો અરજી કરી શકે છે. સાથે પશુપાલન, ડેરી ઉદ્યોગ અને મત્સ્યપાલન સાથે સંકળાયેલા વ્યક્તિઓ પણ વર્કિંગ કેપિટલ માટે અરજી કરી શકે છે.

આ તસવીર શેર કરો

7/9

7. કુદરતી આપત્તિમાં રાહતનો સપોર્ટ

પૂર, દુષ્કાળ કે અન્ય કુદરતી આપત્તિના કારણે પાક નિષ્ફળ જાય ત્યારે સરકાર અને બેંકો તરફથી રાહતની જોગવાઈઓ લાગુ કરવામાં આવે છે. આવી સ્થિતિમાં બેંક દ્વારા લોનની ભરપાઈની મુદતમાં વધારો કે વ્યાજમાં રાહત અંગે સત્તાવાર નિર્ણયો લેવામાં આવે છે.

આ તસવીર શેર કરો

8/9

8. KCC માટે કેવી રીતે અરજી કરવી?

ઓળખપત્ર (આધાર કાર્ડ, ચૂંટણી કાર્ડ), સરનામાનો પુરાવો અને પાસપોર્ટ સાઇઝના ફોટોગ્રાફ રજૂ કરો, જમીનના દસ્તાવેજો (7/12, 8-અ ના ઉતારા) અને વાવેતર અંગેની વિગતો આપો, બેંક તમારા દસ્તાવેજો ચકાસ્યા બાદ યોગ્ય ક્રેડિટ લિમિટ મંજૂર કરશે અને KCC ઇશ્યૂ કરશે.

આ તસવીર શેર કરો