ન્યૂઝ અપડેટ્સ
ન્યૂઝ અપડેટ્સ
5 ફોટો ગેલેરી
Last Updated: 09:36 AM, 28 August 2026
FOLLOW ON
શેર કરો
1/5
'રક્ષાબંધન' ભાઈ-બહેન વચ્ચેના અતૂટ બંધનને ઉજવતો સુંદર તહેવાર આ વર્ષે 28 ઓગસ્ટના રોજ એટલે કે આજે ઉજવવામાં આવશે. આ દિવસે બહેનો તેમના ભાઈઓના કાંડા પર રાખડી બાંધે છે અને તેમના કલ્યાણ માટે પ્રાર્થના કરે છે. તેના બદલામાં, ભાઈઓ માત્ર પોતાની બહેનોને ભેટ જ નથી આપતા, પરંતુ તેમની રક્ષા કરવાનું વચન પણ આપે છે. આ દિવસ માત્ર ભારતમાં જ નહીં, પરંતુ સમગ્ર વિશ્વમાં ખૂબ જ ઉત્સાહપૂર્વક ઉજવવામાં આવે છે. આ દિવસે બહેનો પોતાના ભાઈઓના કલ્યાણ માટે વ્રત રાખે છે અને તેમની પાસેથી રક્ષાનું વચન મેળવે છે. એટલુ જ નહીં. જો આ દિવસે જ્યોતિષશાસ્ત્રના કેટલાક સરળ ઉપાયો કરવામાં આવે, તો જીવનમાં સુખ-શાંતિ જાળવી શકાય છે. આવો, કેટલાક ઉપાયો વિશે વાત કરીએ, તેનું પાલન કરીને તમે તમારા ભાઈના દીર્ઘાયુ માટે આશીર્વાદ મેળવી શકો છો.
આ તસવીર શેર કરો
2/5
જો તમે તમારા ભાઈના કાંડા પર રાખડી બાંધતી વખતે 'રક્ષા મંત્ર'નો જાપ પણ કરો, તો તમને તેના લાભ જોવા મળી શકે છે. આ મંત્રનો જાપ ભાઈને દીર્ઘાયુના આશીર્વાદ અપાવે છે. ભાઈના કાંડા પર રાખડી બાંધતી વખતે 'येन बद्धो बली राजा दानवेन्द्रो महाबलः, तेन त्वामभिबध्नामि रक्षे मा चल मा चल 'મંત્રનો જાપ કરો. આનાથી સમૃદ્ધિના આશીર્વાદ મળે છે અને તમારા સંબંધોને મજબૂત બનાવે છે. આ મંત્રનો અર્થ એ છે કે આ પવિત્ર દોરો તમને સુરક્ષાનું મજબૂત કવચ પૂરું પાડે. જો ભાઈ-બહેનો વચ્ચે મતભેદો ઊભા થયા હોય, તો આ તેમના વચ્ચેનું અંતર ઘટાડવામાં અને સંબંધો સુધારવામાં મદદ કરે છે.
આ તસવીર શેર કરો
ADVERTISEMENT
3/5
પરંપરા મુજબ ભાઈને રાખડી બાંધતી વખતે પૂર્વ કે ઉત્તર દિશા તરફ મુખ કરીને બેસાડવો. જેમાં બહેન ભાઈની સામે બેસીને પૂજાની થાળી તૈયાર કરે છે અને વિધિ મુજબ તિલક, અક્ષત અને રાખી અર્પણ કરે છે.
આ તસવીર શેર કરો
4/5
કપાળ પર લગાવેલા તિલક પર ચોખાના દાણા લગાવવાની પણ એક પરંપરા છે. આ પ્રથા અત્યંત શુભ માનવામાં આવે છે. 'અક્ષત'નો અર્થ છે અખંડિત એટલે કે સંપૂર્ણ અને સાબૂત દાણા. તેથી, તિલક પર અક્ષત લગાવવા એ એવી આશાનું પ્રતીક છે કે ભાઈ-બહેન વચ્ચેનો પ્રેમનો સંબંધ હંમેશાં અખંડ રહે.
આ તસવીર શેર કરો
ADVERTISEMENT
5/5
આરતી કરવાથી તેમને સારું સ્વાસ્થ્ય અને દીર્ઘાયુષ્યના આશીર્વાદ મળે છે. આ દિવસે, સૌપ્રથમ તમારા ભાઈના કપાળ પર કુમકુમ અથવા ચંદનની પેસ્ટનું તિલક કરો અને થોડા અક્ષત લગાવો. ત્યારબાદ, તેમના જમણા કાંડા પર રાખડી બાંધો અને પછી આરતી કરો. આરતી કરતી વખતે કપૂર પ્રગટાવો, કારણ કે તે કોઈપણ અવરોધોને દૂર કરવામાં મદદ કરે છે. (DISCLAIMER ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.)
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
