શેરબજારમાં પૈસા રોકવા માટે કદાપી દેવું ન કરવું જોઈએ નહીંતર મર્યા સિવાય કોઈ માર્ગ નહીં રહે, આ વાતને સાચી પાડતો એક બનાવ બન્યો છે. યુપીના કાનપુરમાં એક પ્રોપર્ટી ડીલરે પોતાની જાતને ગોળીથી ઉડાવી મૂકી હતી હકીકતમાં આ પ્રોપર્ટી ડીલરે મોટું દેવું કરીને શેરબજારમાં પૈસા રોક્યાં હતા પરંતુ તેમાં ભારે ખોટ જતાં તેને લાગ્યું કે હવે જીવવામાં કંઈ દમ નથી અને તેણે પિસ્તોલથી પોતાની જાતને ઉડાવી મૂકી હતી અને લોહીથી લથપથ લાશ ઘેરથી મળતાં આજુબાજુમાં સન્નાટો વ્યાપી ગયો હતો.
વધુ વાંચો : સાવધાન! યુવાઓમાં સતત વધી રહ્યું છે કેન્સરનું જોખમ, દર વર્ષે નોંધાય છે 15 લાખથી વધુ કેસ
શેરના વેપારમાં મોટું દેવું થયું
યુપીના કાનપુરમાં એક સનસનીખેજ મામલો સામે આવ્યો છે. જ્યાં ભાડાના મકાનમાં રહેતા એક પ્રોપર્ટી ડીલરે ગેરકાયદે પિસ્તોલથી ગોળી મારી આત્મહત્યા કરી લીધી હતી. ગોળીનો અવાજ સાંભળીને મકાન માલિક રૂમમાં પહોંચ્યા અને જોયું તો યુવકનો મૃતદેહ લોહીથી લથબથ હતો. માહિતી મળતા જ પોલીસ પણ ઘટના સ્થળે પહોંચીને તપાસ શરૂ કરી હતી. પ્રાથમીક તપાસ દરમિયાન શેરના વેપારમાં નુકસાનીના કારણે મોટું દેવું થયું હોવાનું બહાર આવ્યું છે.પીએમ નિગમના ઘરમાં ભાડે રહેતો અંકિત અગ્રવાલ પ્રોપર્ટી ડીલિંગ અને શેર ટ્રેડિંગ કરતો હતો. મંગળવારે મોડી રાત્રે અંકિતે ગેરકાયદે પિસ્તોલથી ગોળી મારીને આત્મહત્યા કરી લીધી હતી.
પત્ની મામાને ઘેર જતાં કરી લીધો આપઘાત
ઘટના સમયે મૃતકની પત્ની મહેક ઓરાઇ સ્થિત પોતાના મામાના ઘરે ગઇ હતી. મકાન માલિકની સૂચનાથી પોલીસ અને ફોરેન્સિક ટીમ ઘટના સ્થળે પહોંચી હતી અને તપાસમાં લાગી ગઈ છે. કલ્યાણપુરના એસીપી અભિષેક પાંડેએ જણાવ્યું હતું કે પ્રાથમિક તપાસમાં શેર ટ્રેડિંગમાં નુકસાન અને જંગી લોન લેવાનું બહાર આવ્યું છે.
શેરબજારમાં પૈસા રોકવા જોખમભરેલા
શેરબજારમાં પૈસા રોકવા બધાને ફળતાં નથી. નિષ્ણાંતો આમેય ચેતવણી આપી રહ્યાં છે કે શેરબજારમાં પૈસા રોકવા જોખમોથી ભરેલા છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
