પર્વમાં વિવાદ / VIDEO : માતાજીની ઉપાસના કરવાવાળાને મહિષાસુરોથી કેમ ડર લાગે છે ? કાજલ હિંદુસ્તાનીએ આદિત્ય ગઢવી પર કર્યો પલટવાર

અમદાવાદ રંગ મોરલો ગરબા વિવાદ વકર્યો છે. સામાજિક કાર્યકર કાજલ હિંદુસ્તાનીએ આદિત્ય ગઢવી અને હાર્દિક દવે પર પલટવાર કર્યો છે. કાજલ હિંદુસ્તાનીએ કહ્યું કે માતાજીની ઉપાસના કરવા વાળાને મહિષાસુરો થી ડર કેમ લાગે છે. છોકરીઓની સાથે લવ જેહાદ થાય ત્યારે તમે દીકરીઓને બચાવવા કેમ નથી આવતા? તેમણે કહ્યું કે જર્મન અને નાજી સુધી જવા કરતા કાશ્મિરી પંડિતો ને યાદ કરી શકતા હતા.

આદિત્ય ગઢવી અને હાર્દિક દવે પર કાજલ હિંદુસ્તાનીના પ્રહાર, બજરંગ દળના સમર્થનમાં નિવેદન અમદાવાદના રંગ મોરલા ગરબા વિવાદમાં કાજલ હિંદુસ્તાનીએ ગાયક આદિત્ય ગઢવી અને હાર્દિક દવે પર વળતો પ્રહાર કર્યો છે. તેમણે બજરંગ દળને હિન્દુઓના ‘ફ્રન્ટલાઈન વોરિયર’ ગણાવતાં સવાલ કર્યો કે માતાજીની ઉપાસના કરનારાઓને મહિષાસુરોથી ડર કેમ લાગે છે? કાજલે કાશ્મીરી પંડિતોનો ઉલ્લેખ કરીને કહ્યું કે દીકરીઓ સાથે લવ જેહાદની ઘટનાઓ બને ત્યારે તેમને બચાવવા માટે આગળ આવવાની પણ જરૂર છે. #KajalHindustani #AdityaGadhvi #HardikDave #RangMorla #VTVDigital

— VTV Gujarati News and Beyond (@VtvGujarati) October 17, 2026

શું હતો આખો બનાવ?

અમદાવાદમાં ગરબામાં એક મહિલા સાથે બાઉન્સર દ્વારા છેડતી કરવામાં આવી હોવાની ફરિયાદ વિશ્વ હિન્દુ પરિષદ અને બજરંગદળને મળી હતી. ત્યારબાદ VHP અને બજરંગદળના કાર્યકરો ઘટનાસ્થળે પહોંચ્યા હતા અને તપાસ કરતાં ચોંકાવનારી વિગતો બહાર આવી હતી. ત્યારબાદ આદિત્ય ગઢવીએ સ્ટેજ ઉપર થી જાહેરાત કરી હતી કે આમાં મારો અને મારી ટીમનો કોઈ જ પ્રકારનો વાંક નથી જે થયું છે તે બેક સ્ટેજ ઉપરથી થયું છે ત્યારે સમગ્ર ઘટનામાં વિશ્વ હિન્દુ પરિષદ અને બજરંગ દળને ટાર્ગેટ કરવામાં આવ્યો હતો ત્યારે આ જ મુદ્દે બજરંગ દળના પ્રમુખ જ્વલિત મહેતાએ VTV સાથેની ખાસ વાતચીતમાં નિવેદન આપ્યું હતું કે રંગ મોરલા ગરબામાં એક મહિલાની છેડતી થયાની ફરિયાદ મળતા જ વિશ્વ હિન્દુ પરિષદ અને બજરંગદળના આગેવાનો ગરબાના સ્થળે પહોંચી ગયા હતા.

વધુ વાંચો : બનાસકાંઠામાં PSIએ પિસ્તોલની અણીએ યુવતીનું કર્યું અપહરણ, લોકોએ પકડી લેતાં વોશરૂમ જવાના બહાને ફરાર

13 જેટલા વિધર્મીઓ બાઉન્સરો

સ્થળ પર તપાસ કરવામાં આવતા ગરબા આયોજનમાં તૈનાત કરાયેલા ૧૩ જેટલા બાઉન્સરો વિધર્મી હોવાનું સામે આવ્યું હતું.આ સમગ્ર મામલે બજરંગદળનું સ્પષ્ટ કહેવું છે કે તેમણે આયોજકો સાથે વિગતવાર ચર્ચા કરી હતી અને ત્યારબાદ જ સહમતિથી સ્ટેજ પરથી જાહેરાત કરવામાં આવી હતી. આયોજનમાં કોઈ પણ પ્રકારની બળજબરી કરવામાં આવી ન હતી. સાથે જ, આ મામલે સિંગર આદિત્ય ગઢવી દ્વારા આપવામાં આવેલા નિવેદનને અયોગ્ય ગણાવતા બજરંગદળે ચેતવણી આપી છે કે જો ભવિષ્યમાં પણ આવી કોઈ ફરિયાદ મળશે, તો ફરીથી 'રંગ મોરલા' ખાતે તપાસ કરવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ