Parshottam Rupala Latest News : જામસાહેબે કહ્યું કે, પરષોત્તમ રૂપાલા ક્ષત્રિય આગેવાનો અને ધર્મગુરૂઓ સામે માફી માગે તો માફી આપવી જોઈએ
Share
Parshottam Rupala News : પરષોત્તમ રૂપાલા વિવાદમાં સૌથી મોટા સમાચાર સામે આવ્યા છે. વાત જાણે એમ છે કે, જામનગરના રાજવી જામસાહેબે રૂપાલા વિવાદમાં સમાધાનની નવી ફોર્મ્યુલા અપનાવી છે. જામસાહેબે આ વિવાદમાં સમાધાનકારી વલણ અપનાવવા ક્ષત્રિય સમાજને અપીલ કરી છે. જામસાહેબે કહ્યું કે, રૂપાલા ક્ષત્રિય આગેવાનો અને ધર્મગુરૂઓ સામે માફી માગે તો માફી આપવી જોઈએ.
આજે 10-04-2024ના પત્રની તસવીર
જામનગરના રાજવી જામસાહેબે કહ્યું કે, ક્ષમા વિરસ્ય ભૂષણમ એ ક્ષત્રિયોનો ધર્મ છે અને એ ધર્મે રૂપાલાને માફી આપવી જોઈએ. જામસાહેબે એમ પણ ઉમેર્યું કે, રૂપાલા બે વાર માફી માગી એ પૂરતી નથી. તેમણે સામાજિક આગેવાનો અને ધર્મગુરૂઓની માફી માગવી જોઈએ.
ગઇકાલે 09-04-2024ના પત્રની તસવીર
અહીં નોંધનિય છે કે, ગઈકાલે જામસાહેબે એક પત્ર લખ્યો હતો જેમાં લોકશાહીમાં મત આપીને બદલે લેવાની વાત કરી હતી. જ્યારે આજે તેમણે નવો પત્ર લખી સમાજને અપીલ કરી કે પ્રધાનમંત્રી નરેન્દ્ર મોદીએ દેશને આગળ વધાર્યો છે, એ ધ્યાને લઈને આપણે આગળ વધવું જોઈએ.
રાજકોટનાં માંધાતાસિંહે શું કહ્યું હતું ?
મહત્વનું છે કે, ગઇકાલે રાજકોટનાં માંધાતાસિંહે આ બાબતે જણાવ્યું હતું કે, ક્ષત્રિય સમાજે ઉદાર દિલ રાખી સમાધાન કરવાની વાત કરી છે. તેમણે કહ્યું હતું કે, રૂપાલાએ સેમડા ગામમાં ફરી માફી માંગી લીધી છે. સી.આર.પાટીલે પણ માફી માટે અપીલ કરી છે. સમાજે ઉદાર દિલ રાખી રૂપાલાને માપી આપી દેવી જોઈએ. તેમણે કહ્યું હતું કે, લોકશાહીનાં શાસકોમાં સંવેદનશીલતા નથી. રાજા ફક્ત યોદ્ધા ન હતો. પ્રજાનું દુઃખ નીહાળે તેવા હતા. શબ્દપ્રયોગ ખૂબ સમજી વિચારીને કરવો જોઈએ. કોઈ પણ સમાજ માટે ટિપ્પણી કરવી યોગ્ય નથી.
