હેલ્થ / પેટમાં બની રહ્યો છે ભયંકર ગેસ? કિચનની આ 3 ચીજોથી મિનિટોમાં મળશે આરામ

આજકાલની લાઈફસ્ટાઇલને કારણે અનેક લોકોને પેટમાં ગેસની સમસ્યા રહે છે. આ સમસ્યા ખાવાની ખરાબ આદતોને કારણે પણ થાય છે. ગેસ બનવો એક સામાન્ય સમસ્યા છે પણ તે મુશ્કેલી વધુ આપે છે.  કેમ કે, જ્યારે પેટમાં ગેસ બને છે ત્યારે તે દુખાવાની સાથે છાતીમાં બળતરા અને માથાનો દુખાવો જેવી સમસ્યાઓનું કારણ પણ બને છે.

ગેસની સમસ્યા સાથે આ દુખાવો અસહ્ય બની જાય છે. જો તમને પણ આ સમસ્યા હોય તો તમે રાહત મેળવવા માટે રસોડામાં પડેલી અમુક વસ્તુનું સેવન કરી શકો છો. પરંતુ યાદ રહે કે ,આ દવાનો કોઈ ઓપ્શન નથી.

• અજમો અને કાળું મીઠું
  અજમો પેટના ગેસની સમસ્યામાં રાહત આપવા ખૂબ મદદરૂપ સાબિત થાય  છે. જો તમને પેટમાં ભારેપણું લાગતું હોય તો અડધા ચમચી અજમો હળવા ગરમ કરેલા તવા પર શેકી લો અને તેમાં થોડું કાળું મીઠું પણ એડ કરો. આ મિશ્રણને હુંફાળા પાણી સાથે પીવો. તેનાથી તમને રાહત મળશે અને સાથે પાચનમાં પણ સુધારો થશે.
  

• આદુ અને લીંબુ
  આદુના કમ્પાઉન્ડ પાચન રસને એક્ટીવ કરે છે. જો તમને ગેસની સમસ્યામાં હોય તો આદુનો એક નાનો ટુકડો વાટી લો, તેનો રસ કાઢો અને તેને થોડો લીંબુના રસ સાથે મિક્સ કરો. ભોજન કર્યા બાદ તેનું સેવન કરવાથી તે ગેસ થતો અટકાવે છે અને ભોજનને સરળતાથી પચાવવામાં મદદ કરે  છે. તમે આદુનો એક નાનો ટુકડો સિંધવ મીઠા સાથે પણ ચાવી શકો છો.

વધુ વાંચો : 30 વર્ષ બાદ કેમ વધે છે પેટની ચરબી? AIIMS ડોક્ટરે જણાવ્યું તેની પાછળનું અસલી કારણ

• હિંગ
  જો તમને ગેસના કારણે પેટમાં દુખાવો થતો હોય તો ગરમ પાણીમાં એક ચપટી હિંગ ઓગાળીને પીવાથી આ સમસ્યામાં રાહત મળે છે. નાના બાળકોના મામલામાં હિંગ પાણીમાં ઓગાળીને તેની નાભિની આસપાસ લગાવો. ભોજનમાં હિંગ ઉમેરવાથી પેટની સમસ્યાઓ દૂર રહે છે. 
  

(Disclaimer : આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી vtvgujarati.com આ જાણકારી માટે જવાબદારીનો દાવો કરતું નથી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ