IPL 2025 / નો ફેમિલી, નો પ્રાઇવેટ કાર, IPL 2025ના નિયમોમાં ફેરફાર, લાગુ થયા આ સખ્ત રૂલ્સ

ભારતીય ક્રિકેટ કંટ્રોલ બોર્ડે આ વર્ષની શરૂઆતમાં ટીમ ઈન્ડિયા માટે ઘણા કડક નિયમો બનાવ્યા હતા. ભારતીય ટીમ પર લાગુ કરાયેલા કેટલાક સ્ટાન્ડર્ડ ઓપરેટિંગ પ્રોસિજર (SOPs) IPL 2025 માં પણ જોવા મળશે. બીસીસીઆઈએ આ નિયમો વિશે તમામ 10 ટીમોને પહેલાથી જ જાણ કરી દીધી હતી. આ નિયમોની અસર બધી ટીમોના તાલીમ શિબિરો દરમિયાન પણ જોવા મળી હતી. IPLના આ નવા નિયમો ખેલાડીઓની તેમના પરિવારના સભ્યો સુધીની મુસાફરીથી લઈને છે.

IPLમાં ટીમ ઇન્ડિયા જેવા કડક નિયમો

આ વખતે IPL દરમિયાન, ફક્ત અધિકૃત વ્યક્તિઓને જ મેદાનમાં જવા અને ડ્રેસિંગ રૂમમાં પ્રવેશવાની મંજૂરી છે. આનો અર્થ એ થયો કે આ વખતે કોઈપણ ખેલાડીના પરિવારના સભ્ય મેદાનમાં આવી શકશે નહીં અને તેમને ડ્રેસિંગ રૂમમાં પ્રવેશ આપવામાં આવશે નહીં. પ્રેક્ટિસના દિવસોમાં પણ ડ્રેસિંગ રૂમમાં પરિવારોને પ્રવેશ આપવામાં આવશે નહીં. એટલે કે, BCCI એ IPL મેચ પહેલા અને દરમિયાન ખેલાડીઓ અને મેચ અધિકારીઓના વિસ્તારો (PMOA) ની આસપાસ પરિવારના સભ્યોની હાજરી અંગેના નિયમો કડક કર્યા છે.

બધા ખેલાડીઓ ટીમ બસમાં મુસાફરી કરશે

ખેલાડીઓએ પ્રેક્ટિસ માટે આવતી વખતે ટીમ બસનો ઉપયોગ કરવો જરૂરી છે. આનો અર્થ એ થયો કે કોઈપણ ખેલાડી પોતાની કારમાં પ્રેક્ટિસ માટે નહીં આવે. જોકે, ટીમો બે જૂથોમાં મુસાફરી કરી શકે છે. તે જ સમયે, ખેલાડીના પરિવારના સભ્યો અને મિત્રો અલગ વાહનમાં મુસાફરી કરી શકે છે અને હોસ્પિટાલિટી ઝોનમાંથી ટીમની પ્રેક્ટિસ જોઈ શકે છે. અગાઉ, ખેલાડીઓના પરિવારના સભ્યો ટીમ બસમાં સાથે મુસાફરી કરી શકતા હતા.

વધુ વાંચો- IPLમાં આ વખતે ડબલ રોમાંચ! ઈમ્પેક્ટ પ્લેયરથી લઈને DRSના નિયમોમાં ફેરફાર

થ્રો ડાઉન નિષ્ણાંત અને નેટ બોલરે નવો નિયમ અપનાવ્યો

આ વખતે IPLમાં, BCCI એ સ્પેશિયાલિસ્ટ અને નેટ બોલરો માટે થ્રો ડાઉન નિયમોમાં પણ ફેરફાર કર્યા છે. બધી ટીમોએ થ્રો ડાઉન સ્પેશિયાલિસ્ટ અને નેટ બોલર જેવા વધારાના સપોર્ટ સ્ટાફની યાદી મંજૂરી માટે BCCI ને સુપરત કરવાની રહેશે. મંજૂરી પછી મેચ સિવાયના દિવસની માન્યતા જારી કરવામાં આવશે. આવું પહેલાં બન્યું નહોતું. ટીમો તેમની ટીમમાં કોઈપણ ખેલાડીને નેટ બોલર તરીકે સામેલ કરતી હતી. તે જ સમયે, જો ખેલાડીઓ મેચ સ્થળ પર તેમનું એક્રેડિટેશન કાર્ડ લાવવાનું ભૂલી જાય, તો તેમને દંડ કરવામાં આવશે. મેચ પછી પ્રેઝન્ટેશન દરમિયાન પણ ઢીલા અને સ્લીવલેસ કપડાં પહેરવાની મંજૂરી નથી.
બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ