IPL 2024ની શરૂઆત 22 માર્ચે થશે. પરંતુ તેના પહેલા બે ટીમોમાં મોટા ફેરફાર જોવા મળી રહ્યા છે. પહેલો ફેરફાર ગુજરાત ટાઈટન્સ ટીમમાં જોવા મળ્યો છે. ફ્રેંચાઈઝીએ અનુભવી ફાસ્ટ બોલર મોહમ્મદ શમીના રિપ્લેસમેન્ટની જાહેરાત કરી દીધી છે.
તેના ઉપરાંત હાર્દિક પંડ્યાની કેપ્ટન્સી વાળી મુંબઈ ઈન્ડિયન્સે પણ શ્રીલંકાના ફાસ્ટ બોલર દિલશાદ મધુશંકાના રિપ્લેસમેન્ટની જાહેરાત કરી છે. મધુશંકા હાલમાં બાંગ્લાદેશ પ્રવાસ પર ઈજાગ્રસ્ત થયા હતા. તેના બાદ તેમને આઈપીએલથી બહાર થવું પડ્યું.
શમીની જગ્યા પર સંદીપ થયા ગુજરાત ટીમમાં શામેલ
સૌથી પહેલા ગુજરાતની વાત કરીએ તો આમા શમીના રિપ્લેસમેન્ટ તરીકે ફાસ્ટ બોલર સંદીપ વોરિયરને લેવામાં આવ્યા છે. જે આ પહેલા કલકત્તા નાઈટ રાઈડર્સ માટે રમી ચુક્યા છે. સંદીપે 2019માં IPLમાં પગ મુક્યો હતો પરંતુ અત્યાર સુધી ફક્ત 5 જ મેચ રમી છે જેમાં તેમણે 2 વિકેટ લીધી છે.
જ્યારે શમીને ઘૂંટણ પર ઈજા છે. તેમણે હાલમાં જ સર્જરી કરાવી છે. આ કારણે જ શમી જૂનમાં યોજાવા જઈ રહેલા ટી20 વર્લ્ડ કપ 2024માં ભાગ નહીં લે. ગુજરાત ફ્રેન્ચાઈઝીએ શમીના રિપ્લેસમેન્ટ સંદીપને 50 લાખ રૂપિયાની બેસ પ્રાઈસ પર લીધો છે. KKRએ આઈપીએલ 2022 મેગા ઓક્શન પહેલા સંદીપને રિલીઝ કરી દીધા હતા. ત્યાર બાદ તેમને કોઈ ટીમે નથી લીધા.
વધુ વાંચો: 'મને KING નહીં ફક્ત વિરાટ કહો...' RCB અનબોક્સ ઈવેન્ટમાં કોહલીએ ફેંસને કરી ખાસ અપીલ
મધુશંકાના રિપ્લેસમેન્ટ તરીકે મફાકાની એન્ટ્રી
તેના ઉપરાંત દિલશાન મધુશંકાના રિપ્લેસમેન્ટ માટે મુંબઈ ટીમમાં સાઉથ આફ્રિકાના ક્વેના મફાકા શામેલ થયા છે. 17 વર્ષના મફાકાએ હાલમાં જ યોજાયેલા અંડર-19 વર્લ્ડ કરમાં ધાંસૂ પ્રદર્શન કર્યું હતું. તે આ વખતે આઈપીએલ ઓક્શનમાં શામેલ થયા હતા. પરંતુ તેમને કોઈએ ન ખરીદ્યા પરંતુ હવે તે મુંબઈની ટીમમાં શામેલ થઈ ગયા છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
