IPL 2024 માં અત્યાર સુધી 11 મેચ રમાઈ છે અને આજે એટલે કે 31 માર્ચના રોજ ક્રિકેટ ચાહકોને બે મેચ જોવા મળશે. પ્રથમ મેચ ગુજરાત ટાઇટન્સ અને સનરાઇઝર્સ હૈદરાબાદ વચ્ચે નરેન્દ્ર મોદી સ્ટેડિયમમાં રમાશે. હવે એ વાત તો જાણીતી જ છે કે સનરાઇઝર્સ હૈદરાબાદ તેની છેલ્લી મેચમાં લીગના ઇતિહાસમાં સર્વોચ્ચ સ્કોર બનાવ્યા બાદ અહીં આવી રહ્યું છે. આ સાથે જ ગુજરાત ટાઇટન્સે સિઝનની પ્રથમ મેચ જીતી હતી, પરંતુ બીજી મેચમાં તેને હારનો સામનો કરવો પડ્યો હતો.
અમદાવાદના નરેન્દ્ર મોદી સ્ટેડિયમમાં બેટ્સમેનોનો દબદબો સ્પષ્ટ જોવા મળી રહ્યો છે. અહીંની પિચમાં બોલરો માટે કંઈ ખાસ નથી. આવી સ્થિતિમાં અહીં હાઈ સ્કોરિંગ મેચ જોવા મળી શકે છે. અહીંની પીચ પર, સ્પિન બોલરો માટે રન રોકવાનું સરળ નથી, જ્યારે ઝડપી બોલરોને ચોક્કસપણે થોડો બાઉન્સ જોવા મળે છે, જેના કારણે તેઓ બેટ્સમેનોને પરેશાન કરી શકે છે.
સાથે જ અમદાવાદના નરેન્દ્ર મોદી સ્ટેડિયમમાં આઈપીએલના ઈતિહાસમાં અત્યાર સુધીમાં 28 મેચ રમાઈ છે, જેમાં પ્રથમ બેટિંગ કરનાર ટીમે 14 વખત જીત મેળવી છે, જ્યારે ટાર્ગેટનો પીછો કરતી ટીમે 14 મેચ જીતી છે. અહીં પ્રથમ દાવનો સરેરાશ સ્કોર 170 થી 180 રનની વચ્ચે જોવા મળ્યો છે. ગુજરાત ટાઇટન્સ આ સ્ટેડિયમમાં અત્યાર સુધીમાં 11 મેચ રમી છે, જેમાંથી તેણે 7માં જીત મેળવી છે, જ્યારે 4માં તેને હારનો સામનો કરવો પડ્યો છે.
IPL 2024 માટે ગુજરાત ટાઇટન્સની ટીમ:
શુભમન ગિલ (કેપ્ટન), ડેવિડ મિલર, મેથ્યુ વેડ, રિદ્ધિમાન સાહા, કેન વિલિયમસન, અભિનવ મનોહર, સાઈ સુદર્શન, દર્શન નલકાંડે, વિજય શંકર, જયંત યાદવ, રાહુલ તેવટિયા, નૂર અહેમદ, સાઈ કિશોર, રાશિદ ખાન, જોશુઆ લિટલ , મોહિત શર્મા, અઝમતુલ્લા ઓમરઝાઈ, ઉમેશ યાદવ, સુશાંત મિશ્રા, કાર્તિક ત્યાગી, માનવ સુથાર, સ્પેન્સર જોન્સન, સંદીપ વોરિયર, બીઆર શરથ.
વધુ વાંચો: ચાલુ મેચમાં વિરાટ કોહલીએ રિંકૂ સિંહ સામે આવા ઈશારા કેમ કર્યા? જુઓ Video
IPL 2024 માટે સનરાઈઝર્સ હૈદરાબાદની ટીમ:
પેટ કમિન્સ (કેપ્ટન), અબ્દુલ સમદ, અભિષેક શર્મા, એઈડન માર્કરામ, ટ્રેવિસ હેડ, વાનિન્દુ હસરાંગા, માર્કો જેન્સન, રાહુલ ત્રિપાઠી, વોશિંગ્ટન સુંદર, ગ્લેન ફિલિપ્સ, સનવીર સિંહ, હેનરિક ક્લાસેન, ભુવનેશ્વર કુમાર, મયંક અગ્રવાલ, ટી નટરાજન, અનમોલપ્રીત સિંહ, મયંક માર્કંડે, ઉપેન્દ્ર સિંહ યાદવ, ઉમરાન મલિક, નીતિશ કુમાર રેડ્ડી, ફઝલહક ફારૂકી, શાહબાઝ અહેમદ, જયદેવ ઉનડકટ, આકાશ સિંહ, જે સુબ્રમણ્યન.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
