Bank Jobs 2026 / ઇન્ડિયન ઓવરસીઝ બેંકમાં પડી 750 પદો પર ભરતી, ફટાફટ અરજી કરો, જાણો છેલ્લી તારીખ

બેંકિંગ ક્ષેત્રમાં અનુભવ મેળવવા અને ભવિષ્યમાં સારી નોકરીની તક મેળવવા માંગતા ઉમેદવારો માટે આ ભરતી એક સારો અવસર છે. દેશના વિવિધ રાજ્યોમાં એપ્રેન્ટિસ પદો માટે ભરતી કરવામાં આવશે. રસ ધરાવતા ઉમેદવારો 20 જુલાઈ 2026 સુધી ઓનલાઈન અરજી કરી શકે છે.

750 એપ્રેન્ટિસ પદો પર ભરતી

ઇન્ડિયન ઓવરસીઝ બેંક દ્વારા કુલ 750 એપ્રેન્ટિસ પદો ભરવામાં આવશે. તેમાં સૌથી વધુ 200 જગ્યાઓ તમિલનાડુમાં છે. ઉપરાંત ઉત્તર પ્રદેશમાં 110, મહારાષ્ટ્રમાં 85, દિલ્હીમાં 53 અને બિહારમાં 35 જગ્યાઓ માટે ભરતી થશે.

વયમર્યાદા

અરજી કરવા માટે ઉમેદવારની ઉંમર ઓછામાં ઓછી 20 વર્ષ અને વધુમાં વધુ 28 વર્ષ હોવી જોઈએ. ઉંમરની ગણતરી 1 જુલાઈ 2026ના આધારે કરવામાં આવશે. અનામત વર્ગના ઉમેદવારોને સરકારી નિયમો મુજબ ઉંમરમાં છૂટ મળશે.

શૈક્ષણિક લાયકાત

ઉમેદવારે માન્ય યુનિવર્સિટીમાંથી કોઈપણ વિષયમાં ગ્રેજ્યુએશન પૂર્ણ કર્યું હોવું જરૂરી છે.

અરજી ફી

• સામાન્ય, OBC અને EWS વર્ગના પુરુષ ઉમેદવારો માટે ફી: ₹944
• સામાન્ય, OBC અને EWS વર્ગની મહિલા ઉમેદવારો માટે ફી: ₹708
• SC, ST અને દિવ્યાંગ ઉમેદવારો માટે ફી: ₹236

પસંદગી કેવી રીતે થશે?

ઉમેદવારોની પસંદગી લેખિત પરીક્ષાના આધારે કરવામાં આવશે. પરીક્ષામાં જનરલ અને ફાઇનાન્સિયલ અવેરનેસ, જનરલ ઇંગ્લિશ, ક્વોન્ટિટેટિવ એપ્ટિટ્યુડ, રિઝનિંગ, કમ્પ્યુટર નોલેજ અને સંબંધિત વિષયના કુલ 100 પ્રશ્નો પૂછવામાં આવશે.

આ પણ વાંચોઃ લૉન્ચ થયો iPhoneથી પણ મોંઘો ફોન! એ પણ BSNLનો, જાણો કિંમતથી લઇને ફીચર્સ

કેટલું સ્ટાઇપેન્ડ મળશે?

• પસંદ થયેલા ઉમેદવારોને તાલીમ દરમિયાન દર મહિને સ્ટાઇપેન્ડ આપવામાં આવશે.
• મેટ્રો શાખા: ₹15,500 પ્રતિ મહિનો
• અર્બન શાખા: ₹14,500 પ્રતિ મહિનો
• સેમી અર્બન/ગ્રામીણ શાખા: ₹14,000 પ્રતિ મહિનો

અરજી કેવી રીતે કરશો?

ઉમેદવારોએ ઇન્ડિયન ઓવરસીઝ બેંકની સત્તાવાર વેબસાઇટ પર જઈ Apprentice Recruitment 2026 લિંક દ્વારા નોંધણી કરાવવી. ત્યારબાદ જરૂરી વિગતો ભરી દસ્તાવેજો અપલોડ કરી અરજી ફી જમા કરાવી અરજી પૂર્ણ કરવી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ